សៀមរាបៈ កាលពីវេលាម៉ោង ៣និង៥៥នាទីរសៀលថ្ងៃទី២៣ ខែមេសា ឆ្នាំ២០២០ មានករណីគ្រោះថ្នាក់ចរាចរណ៍រវាងរថយន្ត និងគោយន្តដឹកឥដ្ឋ ស្ថិតតាមបណ្ដោយផ្លូវជាតិលេខ៦ ចន្លោះគីឡូម៉ែត្រលេខ២៨៤-២៨៦ ភូមិគោករលួស ឃុំដំដែក ស្រុកសូទ្រនិគម ខេត្តសៀមរាប។

រថយន្តម៉ាក ម៉ាសសូដា ពណ៌ស ពាក់ផ្លាកលេខ 2E-1617 អ្នកបើកបរឈ្មោះ យាន រី ភេទប្រុស អាយុ ៤០ឆ្នាំ (រងរបួស) រស់នៅភូមិប៉ាលីឡៃ សង្កាត់ក្បាលស្ពាន ក្រុងប៉ោយប៉ែត ខេត្តបន្ទាយមានជ័យ។
អ្នកបើកគោយន្តឈ្មោះ ហឿន ព្រីង ភេទប្រុស អាយុ ៤៤ឆ្នាំ ទីលំនៅភូមិ/ឃុំរលួស ស្រុកប្រាសាទបាគង ខេត្តសៀមរាប។ អ្នករួមដំណើរឈ្មោះ ឡាន សុខី ភេទស្រី អាយុ ១៥ឆ្នាំ (រងរបួស)។

ដំណើររឿង៖ មុនពេលកើតហេតុគេឃើញរថយន្តធ្វើដំណើរពីកើតទៅលិច ស្រាប់តែគោយន្តធ្វើដំណើរពីត្បូងទៅជើង រួចបត់ទៅកើត មកបុករថយន្តពីក្រោយ ហើយបន្តទៅបុកដើមឈើ បណ្ដាលឲ្យមនុស្សរងរបួសតែម្ដង។

ក្រោយពីកើតហេតុសមត្ថកិច្ចចុះដល់ទីតាំង វាស់វែងយកវត្ថុតាងទៅរក្សាទុក នៅអធិការដ្ឋាននគរបាលស្រុក ដើម្បីរង់ចាំដោះស្រាយតាមនីតិវិធី ចំណែកអ្នករងរបួស ត្រូវបានបញ្ជូនទៅសម្រាកព្យាបាលនៅមន្ទីរពេទ្យ៕