ភ្នំពេញៈ កាលពីវេលាម៉ោង៥និង០០នាទីថ្ងៃទី១០ ខែឧសភា ឆ្នាំ២០២០ នេះ មានករណីប្រទះឃើញសពបុរសម្នាក់ក្រៀមស្វិត សល់តែឆ្អឹងនិងស្បែកក្នុ ងព្រៃ ក្បែររណ្តៅដីតាកៅ តាមបណ្តោយផ្លូវមហាវិថីឈ្នះឈ្នះ សង្កាត់គោករការ ខណ្ឌព្រែកព្នៅ រាជធានីភ្នំពេញ។

សពបុរសម្នាក់ខាងលើ ត្រូវបានគេប្រទះឃើញទាំង អាក្រាតកាយ និង ស្វិតក្រៀម លែងស្អុយទៅហើយ ដោយ គេពុំដឹងថា បុរសរងគ្រោះ ខាងលើនោះ បាត់បង់ជីវិត តាំងពីពេលណា និងដោយសារមូលហេតុអ្វីនោះទេ ហើយ ក៏ ពុំទាន់ស្គាល់អត្តសញ្ញាណ នៅឡេីយដែរ។

ប្រភពបន្តថាមាន អ្នកបើកបរ រថយន្តដឹកដីម្នាក់បានចុះទៅបត់ជើងក៏ ប្រទះឃើញសពបុរសរងគ្រោះ ម្នាក់ ខាងលើនោះស្វិតក្រៀម លែងស្អុយទៅហើយ ដោយសារតែត្រូវ កំដៅថ្ងៃ។ បន្ទាប់ពីប្រទះ ឃើញ បែបនេះ អ្នកបើកបរ រថយន្ត រូបនោះ ក៏បានប្រាប់មេការរណ្តៅដីហេីយមេការក៏រាយការណ៍បន្ត ប្រាប់សមត្ថកិច្ចចុះត្រួតពិនិត្យ៕