ផ្ទះ ព័ត៌មានជាតិ រថយន្តមួយគ្រឿ...

រថយន្តមួយគ្រឿង បើកលឿនមិនប្រយ័ត្ន បណ្តាលឲ្យបុកគោយន្តកន្ត្រៃ ពីក្រោយពេញទំហឹង​ រងរបួសធ្ងន់២នាក់

0

​បន្ទាយ​មាន​ជ័យ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា រថយន្ត​ម៉ាក ​STAREX​ បុក​គោ​យន្ត​កន្ត្រៃ​ពីក្រោយ​ បណ្តាល​មនុស្ស​ចំនួន​០២​នាក់ ​បាន​រង​របួសធ្ងន់​ដោយ​ ត្រូវ​បាន​កម្លាំង​ប៉ុស្តិ៍​នគរបាល​ការពារ​ព្រំដែន​គោក​ចម្ការ​គ​ នៃ​វរ​សេនា​តូច​ការពារ​ព្រំដែន​គោក​ លេខ​៩១១​ ជួយ​ដឹក​ទៅ​សង្គ្រោះ​ នៅ​មន្ទីរ​រ​ពេទ្យ​បង្អែក​ក្រុង​ប៉ោយ​ប៉ែ​ត​ ។​ ហេតុការណ៍​គ្រោះថ្នាក់​ចរាចរណ៍​នេះ​បាន​កើត​ឡើ​នៅ​វេលា​ម៉ោង​៦​ម​និង​១៥​នាទី​ព្រឹក​ថ្ងៃ​ទី​២៤​ ខែមិថុនា ​ឆ្នាំ​២០២០​ នៅ​លើក​ណាត់​ផ្លូវជាតិ​លេខ​៥៨​ ចំណុច​ខាងជើង​ប៉ុស្តិ៍​ចម្ការ​គ​ ប្រហែល​១៥០​ម៉ែត្រ​ ភូមិ​ចម្ការ​គ​ ឃុំ​ស្រុក​ស្វាយចេក​ ស្រុក​ស្វាយចេក​ ខេត្តបន្ទាយមានជ័យ​ ។​

​យោង​តាម​ប្រភព​ព័ត៌មាន​ពី​ នគរបាល​ការពារ​ព្រំដែន​គោ​គ​ប៉ុស្តិ៍​ចម្ការ​គ​ បាន​ឲ្យ​ដឹង​ថា​ ​ជន​រង​គ្រោះ​រង​របួសធ្ងន់​ទាំង​០២​នាក់​ ម្នាក់​ជា​អ្នកបើកបរ​និង​ម្នាក់​ទៀត​ជា​អ្នក​រួម​ដំណើរ​ ១-​ឈ្មោះ​ ចេ​ង​ សំអាត​ ភេទ​ប្រុស​ អាយុ​១៦​ឆ្នាំ​ ២-​ឈ្មោះ​ នើ​យ​ ម៉ៅ​ ភេទ​ប្រុស​ អាយុ​១៨​ឆ្នាំ​ ទាំង​០២​នាក់​រស់នៅ​ភូមិ​ល្បើក​ស្វាយ​ ឃុំ​ស្វាយចេក​ ស្រុក​ស្វាយចេក​ ខេត្តបន្ទាយមានជ័យ​ ។​

​តាម​ប្រភព​ដដែល​បាន​បាន​បញ្ជាក់​ថា​​ នៅ​មុន​ពេល​កើតហេតុ​ មាន​គោ​យន្ត​កន្ត្រៃ​០១​គ្រឿង​ បើ​កបរ​ដោយ​ឈ្មោះ​ នើ​យ​ ម៉ៅ​ បាន​ធ្វើ​ដំណើរ​ពី​ទិស​ខាងត្បូង​ទៅ​ទិស​ខាងជើង​ ពេល​បើក​ដល់​កន្លែង​កើតហេតុ​ ចំណុច​ខាងជើង​ប៉ុស្តិ៍​ចម្ការ​គ​ ប្រហែល​១៥០​ម៉ែត្រ​ ស្ថិត​ក្នុងភូមិ​ចម្ការ​គ​ ឃុំ​ស្រុក​ស្វាយចេក​ មាន​រថយន្ត​០១​គ្រឿង​ម៉ាក ​STAREX ​ពណ៌​ទឹកប្រាក់​ ពាក់ផ្លាក​លេខ​ ភ្នំពេញ​ 2AN.9493​ បើកបរ​ដោយ​ឈ្មោះ​ហេង​ បុរី​ ភេទ​ប្រុស​អាយុ​៤៣​ឆ្នាំ​ រស់នៅ​ភូមិ​ក្បាលស្ពាន​ សង្កាត់​ប៉ោយ​ប៉ែ​ត​ ក្រុង​ប៉ោយ​ប៉ែ​ត​ ខេត្តបន្ទាយមានជ័យ​ បាន​បុក​គោ​យន្ត​កន្ត្រៃ​ពីក្រោយ​ បណ្តាល​ឲ្យ​អ្នកបើកបរ​គោ​យន្ត​និង​រួម​ដំណើរ​រង​របួសធ្ងន់​ ចំណែក​អ្នក​រួម​ដំណើរ​ខាង​រថយន្ត​របួសស្រាល​០២​នាក់​ ។ ​ជន​រង​គ្រោះ​ ត្រូវ​បាន​កម្លាំង​ប៉ុស្តិ៍​នគរបាល​ការពារ​ព្រំដែន​គោក​ចម្ការ​គ​នៃ​វរ​សេនា​តូច​ការពារ​ព្រំដែន​គោក​ លេខ​៩១១​ ជួយ​ដឹក​ទៅ​សង្គ្រោះ​ នៅ​មន្ទីរ​រ​ពេទ្យ​បង្អែក​ក្រុង​ប៉ោយ​ប៉ែ​ត​ ។ ​ចំពោះ​មូលហេតុ​បង្ក​ឲ្យ​កើត​មាន​គ្រោះថ្នាក់​ បណ្តាល​មក​ពី​អ្នកបើកបរ​រថយន្ត​បើក​ក្នុង​ល្បឿន​លឿន​ ក៏​បុក​គោ​យន្ត​កន្ត្រៃ​ពីក្រោយ​ពេញទំហឹង​តែ​ម្តង​ ។​

​បច្ចុប្បន្ន​រថយន្ត​និង​គោ​យន្ត​ ត្រូវ​បាន​កម្លាំង​នគរបាល​ចរាចរណ៍​នៃ​អធិការដ្ឋាន​នគរបាល​ស្រុក​ស្វាយចេក​ នាំ​យក​ទៅ​រក្សា​ទុក​ ដើម្បី​រង់​ចាំ​ធ្វើការ​ដោះស្រាយ​នៅ​ពេល​ក្រោយ ​៕​

មតិយោបល់