ផ្ទះ ព័ត៌មានជាតិ យុវជន​ម្នាក់​...

យុវជន​ម្នាក់​ ធ្វើអត្តឃាតចង​.​ក​សម្លាប់​ខ្លួន នៅរោងវាលស្រែ

0

​បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​១២​ ខែកុម្ភ:​ ឆ្នាំ​២០២១​ វេលា​ម៉ោង​១០​និង​៣០​នាទី​ មាន​ករណី​អត្តឃាត​ចង.ក​សម្លាប់​ខ្លួន​ស្លាប់​១​នាក់​ នៅ​ចំណុច​ច្រាប​កន្ទួត​ ស្ថិត​ក្នុងភូមិ​សាំង​រាំង​ ឃុំ​ប​វេ​ល​ ស្រុក​ប​វេ​ល​ ។​

​ជន​រង​គ្រោះ​ឈ្មោះ​ អួន​ ចន្ទី​ ភេទ​ប្រុស​ អាយុ​២៧​ឆ្នាំ​ រស់នៅ​ភូមិ​ប៊ួ​រ​ ឃុំ​ប៊ួ​រ​ ស្រុក​ភ្នំព្រឹក​ ខេត្តបាត់ដំបង​ ។​

​តាម​ការ​បំភ្លឺ​របស់​ពលរដ្ឋ​ឈ្មោះ​ ឈឿ​ន​ ម៉ាច​ ភេទ​ស្រី​ អាយុ​៤២​ឆ្នាំ​ រស់នៅ​ភូមិ​សាំង​រាំង​ ឃុំ​ប​វេ​ល​ ស្រុក​ប​វេ​ល​ បានឲ្យ​ដឹង​ថា​ នៅ​ថ្ងៃ​កើតហេតុ​ វេលា​ម៉ោង​ប្រហែល​១០​ជាង​ ខ្លួន​បាន​ចេញ​ទៅ​រើស​កួរស្រូវ​ពីរ​នាក់​ប្ដី​ឈ្មោះ​ យ៉ែ​ម​ ភាន​ នៅ​ចំណុច​ខាងត្បូង​ភូមិ​សាំង​រាំង​ លុះ​ទៅ​ដល់​ចំណុច​ច្រាប​កន្ទួត​ក៏​ឃើញ​មាន​មនុស្ស​ចងក​ស្លាប់​នៅ​ក្នុង​រោង​ស្រែ​ឈ្មោះ​ឃាង​ ខ្លួន​ក៏​បាន​រាយការណ៍​ទៅ​អាជ្ញាធរ​ភូមិ​-​ឃុំ​ដើម្បី​មក​ពិនិត្យ​មើល​ ។​

​ក្រោយ​ពី​ទទួល​បាន​ព័ត៌មាន​ កម្លាំង​ផ្នែក​ជំនាញ​ សហការ​ជាមួយ​គ្រូពេទ្យ​មណ្ឌល​សុខភាព​បង្អែក​ស្រុក​ប​វេ​ល​ និង​ប៉ុស្តិ៍​នគរបាលរ​ដ្ឋា​បាលប​វេ​ល​ បាន​ចុះ​ទៅ​ដល់ទី​កន្លែង​កើតហេតុ​ សាកសព​របស់​ជន​រង​រង​គ្រោះ​បាន​ចងក​ស្លាប់​នៅ​ក្នុង​រោង​វាលស្រែ​ ដោយ​ចង​នឹង​ខ្សែ​នីឡុង​ព​ណ៌ស​ កម្ពស់​២.៥​ម៉ែត្រ​ ក្នុង​សំលៀក​បំពាក់​អាវ​ការ៉ូ​ដៃ​វែង​ ពណ៌​ក្រ​ម៉ៅ​ ខោជើងវែង​គគី​ ។​ ចំពោះ​មូលហេតុ ​គឺ​បណ្តាល​មក​ពី​ជន​រង​គ្រោះ​មាន​វិបត្តិ​ផ្លូវចិត្ត​។​

​ឆ្លង​តាម​ការ​ត្រួតពិនិត្យ​របស់​ផ្នែក​ជំនាញ​ និង​គ្រូពេទ្យ​ជំនាញ​ បាន​ធ្វើការ​សន្និដ្ឋាន​ បា​ន​ថា​ ជន​រង​គ្រោះ​ពិតជា​បាន​ស្លាប់​ដោយសារ​ធ្វើ​អត្តឃាត​ចង.ក​សម្លាប់​ខ្លួន​ពិតប្រាកដ​មែន​។​ រួច​ហើយ​បាន​ប្រគល់​សាកសព​ទៅ​ឲ្យ​ក្រុម​គ្រួសារ​យក​ទៅ​ធ្វើបុណ្យ​តាម​ប្រពៃណី​៕

មតិយោបល់