សៀមរាប: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា រថយន្តម៉ាកស្តារិច( Starex) ជាកម្មសិទ្ធរបស់ក្រុមហ៊ុន Medibest បានឆាបឆេះដោយសារឆ្លងចរន្តអគ្គិសនីនៅមុខតាប្លូមុខរថយន្ត នៅចំណុចផ្សារកណ្ដាល ខាងមុខឱសថស្ថានព្រះវិហារ។ ហេតុការណ៍ឆាបឆេះនេះ បានកើតឡើងនៅវេលាម៉ោង១៤នឹង០០ នាទីថ្ងៃទី១៧ ខែមីនា ឆ្នាំ២០២១ ស្ថិតក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប។

លោកវរសេនីយ៍ទោ ដា ចម្រើន អធិការនគរបាលក្រុងសៀមរាប បានឲ្យដឹងថា មានករណីឆេះឡានមួយគ្រឿងនៅចំនុចមុខឱសថស្ថានព្រះវិហារស្ថិតក្នុងក្រុមទី២ ភូមិមណ្ឌល២ សង្កាត់ស្វាយដង្គំ ក្រុង/ខេត្តសៀមរាប ដែលបើកបរបដោយឈ្មោះ ជ្រែង វៃ ភេទប្រុស អាយុ ២៧ឆ្នាំស្រកំណើត ភូមិ ឈ្លីតលើ ឃុំខ្ជាយខាងត្បូង ស្រុកដងទងខេត្តកំពត។

លោកបន្ថែមថា ការខូចខាតអស់រថយន្តចំនួន០១ម៉ាក Starex ពណ៌ទឹកប្រាក់ ផ្លាកលេខ ភ្នំពេញ 2Y-5865 ជាកម្មសិទ្ធ ក្រុមហ៊ុនMedibest នៅភ្នំពេញ ថ្នាំពេទ្យ ប្រហែល២០០០ដុល្លារ រថយន្តខូចខាតទាំងស្រុង ហើយរថយន្តនេះជាកម្មសិទ្ធ ក្រុមហ៊ុនMedibest នៅភ្នំពេញ។

លោកបញ្ជាក់ថា ករណីនេះ សមត្ថកិច្ចបានប្រើប្រាស់រយន្តពន្លត់អគ្គិភ័យចំនួន០១គ្រឿង។ មូលហេតុ នៃការឆេះនេះបណ្តាលមកពីឆ្លងចរន្តអគ្គិសនីនៅតាប្លូខាងមុខរថយន្ត៕