កំពង់ស្ពឺ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ក្រុមចោរប្លន់ម៉ូតូមួយសំបុកធំមានទាំងក្រុមដឹកអីវ៉ាន់តាមអនឡាញផងនោះ ត្រូវបានកមាំងនគរបាលស្រុកសំរោងទង និងជំនាញព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ដកំពង់ស្ពឺ ស្រាវជ្រាវ ចាប់បាន៦នាក់ជាបន្ដបន្ទាប់ រីឯបក្ខពួក មួយចំនួន កំពុងរត់គេចខ្លួន ។
ការឃាត់ខ្លួនក្រុមប្លន់ប្រជាពលរដ្ឋធាក់ផ្តួលយកម៉ូតូនេះ បានកើតឡើងកាលពីថ្ងៃទី០៣ ខែមិថុនា ឆ្នាំ២០២១ កម្លាំងនគរបាលចេញ ល្បាតក្នុងភូមិសាស្ដ្រ ស្រុកសំរោងទង ផ្លូវជាតិលេខ៤ ផ្លូវជាតិលេខ៤១ លុះដល់ចំណុច ភូមិស្វាយតាវង ឃុំសែនដី ស្រុកសំរោងទង ផ្លូវជាតិលេខ៤១ គីឡូម៉ែត្រ ១២-១៣ បានឃើញ មុខ សញ្ញា ជិះម៉ូតូ៤គ្រឿង មនុស្ស៨នាក់ប្រុស ជិះពីជើងទៅត្បូងដល់ចំណុចខាងលើ បានជិះបកក្រោយវិញមកទិសខាងជើង ដោយមានកាសង្ស័យកម្លាំងបាន ដេញតាមស្ទាក់ឃាត់បាន ម៉ូតូមួយគ្រឿង មនុស្ស០២នាក់ ចំណែកបក្ខពួកគេចខ្លួនបាត់អស់ ។
មុខសញ្ញា សង្ស័យ ទាំង ពីរមានឈ្មោះ ៖
១-ឈ្មោះ មឿន រក្សា ប្រុស២១ឆ្នាំ នៅភូមិត្នោតទេ ឃុំទ្រា ស្រុកសំរោងខេត្តតាកែវ ស្នាក់នៅបន្ទប់ជួលភូមិថ្មី សង្កាត់គោកឃ្លៀង រាជធានីភ្នំពេញ មុខរបរ លើកបន្លែផ្សារជម្ពូវ័ន្ដ ។
២-ឈ្មោះ ឡុង ម៉ារ៉ាឌី ប្រុស១៨ឆ្នាំ នៅភូមិព្រៃញាតិ ស្រុកកំពង់ត្របែក ខេត្តព្រៃវែង ស្នាក់នៅបន្ទប់ជួលភូមិថ្មី សង្កាត់គោកឃ្លៀង រាជធានី ភ្នំពេញ មុខរបរ លើកបន្លែផ្សារជម្ពូវ័ន្ដ ។
ក្រោយការសាកសួរ មុខសញ្ញាទាំង២នាក់ បានឆ្លើយសារភាពថា ក្រុមរបស់ខ្លួនបានជិះម៉ូតូមកគោលបំណងរកធាក់ប្លន់យកម៉ូតូ អ្នកដំណើរពេលព្រឹក ព្រលឹមស្ងាត់ ។
តាមរបាយការណ៍បានឲ្យដឹងថា សកម្មភាព កន្លងមកកាលថ្ងៃទី០៨ ខែឧសភា ឆ្នាំ២០២១ ខ្លួនមានបក្ខពួកចំនួន១៣នាក់ ជិះម៉ូតូ៧គ្រឿងបានធាក់នឹងវៃជនរងគ្រោះម្នាក់ យកម៉ូតូ១គ្រឿង ម៉ាកហុងដាសេ125 នៅចំណុចផ្លូវលេខ41 ចន្លោះ គឺឡូម៉ែត ១២-១៣ ក្រោយពីឈ្មោះ មឿន រក្សា ឆ្លើយសារភាពកម្លាំងនគរបាលស្រុក បានសហការជាមួយការិ.ព្រហ្មទណ្ឌ កម្រិតធ្ងន់ គោរពស្នើសុំយោបល់ ពីលោក ឧត្ដមសេនីយ៍ទោ សម សាមួន ស្នងការនគរបាល ខេត្ដកពង់ស្ពឺ និងដោយបា ន ការសម្របសម្រួល នីតិវិធី ពីលោកជំទាវ ព្រះរាជអាជ្ញា អយ្យការ អមសាលាដំបូងខេត្ដកំពង់ស្ពឺ និង កិច្ចសហការល្អ ពីជំនាញ នៃស្នងការដ្ឋាននគរបាល រាជធានីភ្នំពេញ កម្លាំង នគរបាលបានបន្តឃាត់ខ្លួនបក្ខពួកចោរប្លន់ បាន៤នាក់ទៀតដូចជា ៖
១- ឈ្មោះ ឈន សាយសុគីណាន់ ប្រុស១៦ឆ្នាំនៅ ភូមិបាក់ក ឃុំព្រៃញាតិ ស្រុកគងពិសី ស្នាក់នៅ បន្ទ ប់ជួលភូមិថ្មី សង្កាត់គោកឃ្លៀង ខណ្ឌសែនសុខ មុខរបរ ដឹកអីវ៉ាន់ អនឡាញ។
២- ឈ្មោះ រីម ដារ៉ាចាន់ ប្រុស ១៧ឆ្នាំ ភូមិទី៦ សង្កាត់ឃ្មួញ ខណ្ឌសែនសុខ មុខរបរ ដឹកអីវ៉ាន់ អនឡាញ។
៣- ឈ្មោះ ផាន រ៉ាវក ហៅ វី ប្រុស១៥ឆ្នាំ នៅផ្សារសាំហាន់ សង្កាត់ ខ្មួញ ខណ្ឌសែនសុខ មុខរបរ ដឹកអីវ៉ាន់អនឡាញ និងជាសិស្សរៀនថ្នាក់ទី10 នៃវិទ្យាល័យ 100ខ្នង។
៤- ឈ្មោះ ឆន វាសនា ហៅ ចយ ប្រុស១៥ឆ្នាំ ភូមិ ខ្មួញ សង្កាត់ឃ្មួញ ខណ្ឌសែនសុខ មុខរបរ ដឹកអីវ៉ាន់អនឡាញ និងជាសិស្សរៀនថ្នាក់ទី10 វិទ្យាល័យ ប៊ុន រ៉ានី ហ៊ុនសែន កោះដាច់។
តាមការបញ្ជាក់ ពីលោកវរសេនីយ៍ឯក សម សាក់ ស្នងការរង នៃស្នងការដ្ឋានន គរបាលខេត្ដកំពង់ស្ពឺ កិច្ចប្រតិបត្ដិការ ខាងលើ សមត្ថកិច្ចឃាត់ខ្លួនជនសង្ស័យជាមុខសញ្ញាក្រុមចោរប្លន់បាន០៦ នាក់ ៖
វត្ថុតាង ដកហូតបានម៉ូតូ២គ្រឿង ក្នុងនោះដកហូតបានម៉ូតូជនរងគ្រោះ ១ គ្រឿង ករណីប្លន់នៅ ស្រុកបរសេដ្ឋ ខេត្តកំពង់ស្ពឺ ។
យោងតាមលទ្ធផលស្រាវជ្រាវ និងចម្លើយបក្ខពួក ក្រុមចោរប្លន់ថា មានបក្ខពួកច្រើននាក់ បានប្រព្រឹត្ដធ្វើសកម្មភាព ចំនួន០៣ លើក ក្នុងភូមិសាស្ដ្រ ខេត្ដកំពង់ស្ពឺ មុខសញ្ញា០៦នាក់ ត្រូវបានឃាត់ខ្លួនដោយសមត្ថកិច្ចខាងកំពង់ស្ពឺ រីឯមុខសញ្ញា២នាក់ ឃាត់ខ្លួនដោយសមត្ថកិច្ចខណ្ឌសែនសុខ រាជធានីភ្នំពេញ និងមុខសញ្ញា២នាក់ទៀត ឃាត់ខ្លួនដោយសមត្ថកិច្ច ខាងខេត្ដកណ្តាល មុខសញ្ញាសង្ស័យដទៃទៀតកំពុងគេចខ្លួន និងត្រូវបានសមត្ថកិច្ចកំពុងវជ្រាវបន្ដ ។
បច្ចុប្បន្ន មុខសញ្ញាសង្ស័យទាំង០៦នាក់ ត្រូវបានជំនាញរិយាល័យព្រហ្មទណ្ឌកម្រិតធ្ងន់ កសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធី ។
ស្នងការដ្ឋាននគរបាលខេត្ដកំពង់ស្ពឺ សំណូមពរដល់បងប្អូន ប្រជាពលរដ្ឋ ដែលមានជួបហេតុការណ៍ដូចខាងលើ សូមមេត្ដាមកដាក់បណ្ដឹងបន្ថែម ដើម្បីស្រាវជ្រាវរកមុខសញ្ញា និងវត្ថុតាង ៕
មតិយោបល់