ឃាត់ខ្លួនក្រុម​ក្មេង​ស្ទាវចំនួន០​៤​នាក់ ​ករណី​បង្ក​ភាព​អនាធិបតេយ្យ​វាយ​កាប់​ចាក់​គ្នា

សៀមរាប:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា អធិការដ្ឋាន​នគរបាល​ក្រុង​សៀមរាប​ បាន​ធ្វើការ​ឃាត់ខ្លួន​ជនសង្ស័យ​ចំនួន​ ០៤​នាក់​ ករណី​បង្ក​ភាព​អនាធិបតេយ្យ​វាយ​កាប់​ចាក់​គ្នា​ នៅ​វេលា​ម៉ោង​១២​និង​ ៣០​នាទី​ ឈាន​ចូល​ថ្ងៃ​ទី​ ២៩​ ខែសីហា​ ឆ្នាំ​២០២១​ នៅ​ត្រង់​ចំណុច​តាម​បណ្ដោយ​ផ្លូវ​កៅស៊ូ​ បុរី​សៀង​ ណាំ​ ២​ ស្ថិត​នៅ​ភូ​មិច​ន្លោ​ង​ សង្កាត់​ស្រ​ង៉ែ​ ក្រុង​/​ខេត្តសៀមរាប​ ។​

​ក្រុម​ស្ទាវ​ទាំង​៤​នាក់​ដែល​ឃាត់ខ្លួន​មាន​ ១.​ឈ្មោះ​ យិ​ន​ សីលា​ ហៅ​ សិលា​ ភេទ​ប្រុស​ អាយុ​ ២០​ឆ្នាំ​ មុខរបរ​នៅផ្ទះ​ មាន​ទីលំនៅ​បច្ចុប្បន្ន​ភូមិ​កសិកម្ម​ សង្កាត់​ស្រ​ង៉ែ​ ក្រុង​-​ខេត្តសៀមរាប​។​ ២.​ឈ្មោះ​ ស្រឿង​ ធា​រី​ ហៅ​ ឃ្លូ​ ភេទ​ប្រុស​ អាយុ​ ២០​ឆ្នាំ​ មុខរបរ​ សិស្ស​ មាន​ទីលំនៅ​បច្ចុប្បន្ន​ភូមិ​កសិកម្ម​ សង្កាត់​សង្កែ​ ក្រុង​/​ខេត្តសៀមរាប​ ។​ ៣.​ ឈ្មោះ​ វុន​ ភុង​ឃី​ ភេទ​ប្រុស​ អាយុ​ ២១​ឆ្នាំ​ មុខរបរ​សិស្ស​ មាន​ទីលំនៅ​បច្ចុប្បន្ន​ភូមិ​កសិកម្ម​ សង្កាត់​ស្រ​ង៉ែ​ ក្រុង​/​ខេត្តសៀមរាប​ ។​ ៤.​ឈ្មោះ​ រឿ​ន​ រ៉ុ​ង​សុ​ម៉ា​លុ​ច​ ហៅ​ យុយ​ ភេទ​ប្រុស​ អាយុ​ ១៩​ឆ្នាំ​ មុខរបរ​ នៅផ្ទះ​កសិកម្ម​សង្កាត់​ស្រ​ង៉ែ​ ក្រុង​/​ ខេត្តសៀមរាប​ ។​

លោក​ឧត្តមសេនីយ៍ត្រី​ ភឹង​ ចិ​ត្តា​រ៉េ​ត​ ស្នងការ​រង​ទទួល​ផែន​ព្រហ្មទណ្ឌ​ បានឲ្យ​ដឹង​ថា​ ជនសង្ស័យ​ទាំង​០៤​នាក់ ​ពាក់ព័ន្ធ​ករណី​អំពើ​ហិង្សា​ដោយ​ចេតនា​មាន​ស្ថាន​ទម្ងន់ទោស​ (​ប្រើប្រាស់​អាវុធ​ផ្សេងៗ​)​ និង​បទ​ធ្វើ​ឲ្យ​ខូចខាត​ដោយ​ចេតនា​ ។​ ក្រោយ​ពី​ធ្វើការ​សាកសួរ​រួច​ សមត្ថកិច្ច​បាន​យក​ជនសង្ស័យ​ទាំង​ ០៤​នាក់​ ធ្វើតេស្ត​យក​សំណាក​ រក​ជំងឺ​កូ​វី​ដ​-១៩​ ជា​លទ្ធផល​ អវិជ្ជមាន​ និង​បាន​ធ្វើតេស្ត​រក​សារធាតុ​ញៀន​នៅ​ក្នុង​ទឹកនោម​លើ​ជនសង្ស័យ​ទាំង​៤​នាក់​ ជា​លទ្ធផល​ (​អវិជ្ជមាន​)​ ។​

​ក្នុង​ប្រតិបត្តិការ​បង្ក្រាប​បទល្មើស​នេះ​ សមត្ថកិច្ច​រក​ឃើញ​ និង​ដកហូត​វត្ថុ​តាង​បាន​រួម​មាន​:​ កាំបិត​ខ្វែវ​គ្មាន​ដង​ ចំនួន​ ០១​ដើម​ ម៉ូតូ​ចំនួន​ ០២​គ្រឿង​ ជា​មធ្យោបាយ​ជនសង្ស័យ​ជិះ​ប្រព្រឹត្ត​បទល្មើស​ ម៉ាក​ហុងដា​ឌ្រី​ម​ស៊េរី​ឆ្នាំ​២០១៤​ ពណ៌​ខ្មៅ​ ពាក់​ស្លាក​លេខ​សៀមរាប​1P-5760​ និង​ម៉ាក​ហុងដា​ឌ្រី​ម​ស៊េរី​ឆ្នាំ​ 2005​ ពណ៌​ខ្មៅ​ពាក់​ស្លាក​លេខ​សៀមរាប​1L-7023​ ។​

​បច្ចុប្បន្ន​ ជនសង្ស័យ​ទាំង​បួន​នាក់​ និង​វត្ថុ​តាង​ត្រូវ​បាន​កម្លាំង​ឃាត់ខ្លួន​ និង​កំពុង​កសាង​សំណុំរឿង​បញ្ជូន​ទៅ​សាលាដំបូង​ខេត្ត​ដើម្បី​អនុវត្ត​ទៅ​នីតិវិធី​បន្ត​ ៕

មតិយោបល់