កំពង់ស្ពឺ: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ក្រុមការងារប្រតិកម្មរហ័ស បានផ្សព្វផ្សាយព័ត៌មានកាលពីម្សិលមិញតាមរយ:ផេកផ្លូវការរបស់ស្នងការដ្ឋាននគរបាលខេត្តកំពង់ស្ពឺ ពាក់ព័ន្ធករណីស្វែងរក ម្ចាស់រថយន្ត NISSAN FRONTIER មួយគ្រឿង ដែលអ្នកបើកបរបាត់ខ្លួនបន្ទាប់ពីររថយន្ដជួប ឧប្បត្តិហេតុធ្លាក់ផ្លូវនៅចំណុចចំណោទយាយម៉ៅពេជ្រនិល គីឡូម៉ែត្រលេខ ១០៣–១០៤ ស្ថិតក្នុងភូមិទី៦ ឃុំយាយម៉ៅពេជ្រនិល (អតីតឃុំត្រែងត្រយឹង) ស្រុកភ្នំស្រួច ខេត្ដកំពង់ស្ពឺ ។
នារសៀលថៃ្ងសុក្រ ទី០៨ ខែតុលា ឆ្នាំ២០២១ នេះក្រុមគ្រួសារ និងភរិយាម្ចាស់រថយន្ត NISSAN FRONTIER ខាងលើបានមកពិនិត្យរថយន្ដបានប្រាប់ថា រថយន្តNISSAN FRONTIER នេះពិតជារថយន្ដរបស់ប្ដីគាត់ ស្រ្ដីដែលអះអាងថាជាប្រពន្ធមានឈ្មោះ សូ សុភាន់ ភេទស្រី អាយុ ៣៧ឆ្នាំ នៅភូមិថ្មី សង្កាត់ទៀន ខណ្ឌដង្កោ រាជធានីភ្នំពេញ និងបានបញ្ជាក់ថាប្ដីឈ្មោះ យូ សំអឿន ភេទប្រុស អាយុ ៣៨ឆ្នាំ អាសយដ្ឋានជាមួយគ្នា(អ្នកបើកបរ)។
តាមរយ:ឯកសារមួយចំនួនបញ្ជាក់ថា រថយន្ដខាងលើគឺពិតជារបស់ឈ្មោះ យូ សំអឿន និងឈ្មោះ សូ សុភាន់ ពិតប្រាកដមែន តាមការឱ្យដឹងពីឈ្មោះ សូ មួន ភេទប្រុស អាយុ ៤៧ឆ្នាំ ត្រូវជាបងថ្លៃ បានប្រាប់ ថា មូលហេតុប្អូនថ្លៃបើករថយន្ដមកដល់កន្លែងកើតហេតុគឺបណ្ដាលមកពីទំនាស់ពាក្យសំដីជាមួយប្រពន្ធ «រឿងចង់ធ្វើដំណើរទៅដើរលេង»។
បច្ចុប្បន្នរថយន្ត NISSAN FRONTIER ខាងលើ បានបន្ដរក្សាទុកបណ្ដោះអាសន្ន នៅអធិការដ្ឋាននគរស្រុកភ្នំស្រួច ដោយភាគីប្រពន្ធ រង់ចាំប្ដីរបស់គាត់បាត់ខឹងនិងនាំគ្នាមកយករថយន្តវិញ។
ក្នុងនាមពលរដ្ឋ សូមថ្លែងអំណរគុណដល់សមត្ថកិច្ចនៃអធិការដ្ឋាននគរបាលស្រុកភ្នំស្រួច ពិសេសក្រុមការងារប្រតិកម្មរហ័ស នៃស្នងការដ្ឋាននគរបាលខេត្ដកំពង់ស្ពឺ ដែលបានចែករំលែកផ្សព្វផ្សាយនូវព័ត៌មានជួយដល់ពលរដ្ឋ ក្នុងករណីមានហេតុការណ៍កើតឡើងនៅក្នុងខេត្ដ សូមគោរពជូនពរសមត្ថកិច្ចនគរបាលខេត្តកំពង់ស្ពឺ មានសុខភាពល្អ និងជោគជ័យគ្រប់ភារកិច្ច ជៀសផុតពីជំងឺដ៏កាចសាហាវនេះ កូវីដ.១៩
មតិយោបល់