កោះកុងៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃពុធ ១ រោច ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៩ ខែវិច្ឆិកា ឆ្នាំ២០២២ នាវេលាម៉ោង ១១និង២០ នាទីថ្ងៃត្រង់ នៅចំណុចផ្លូវប្រសព្វជា៤ ស្ថិតនៅចំណុចភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ។
ជនរងគ្រោះមានឈ្មោះ អ៊ឹប តង់ ភេទប្រុស អាយុ៧២ឆ្នាំ មានទីលំនៅបច្ចុប្បន្នភូមិ-សង្កាត់កើតហេតុ បើកបរម៉ូតូម៉ាកហុងដា ពណ៌ខ្មៅ ពាក់ស្លាកលេខកោះកុង 1C-1962 បើកបរពីលិចទៅកើត ស្លាប់ពេលដែលបញ្ជូនទៅដល់មន្ទីរពេទ្យ រីឯអ្នកបើកបររថយន្តមានឈ្មោះ ជា ភេទប្រុស អាយុ៣៨ឆ្នាំ បើកបររថយន្តម៉ាក ហ្វតរ៉េបទ័រ ពណ៌ស ពាក់ស្លាកលេខកម្ពុជា PSMN1232 រត់គេចខ្លួន ។
បច្ចុប្បន្នវត្ថុតាងកម្លាំងជំនាញ បានធ្វើកំណត់ហេតុដកហូតយកមករក្សាទុក នៅអធិការរដ្ឋាន រីឯសពជនរងគ្រោះ សមត្ថកិច្ចបានប្រគល់ជូនក្រុមគ្រួសារ រៀបចំធ្វើបុណ្យតាមប្រពៃណី ៕
មតិយោបល់