ភ្នំពេញ: រថយន្តស្ទូចមួយគ្រឿង បើកជ្រុលរេចង្កូតឡើងសួនទ្រូងផ្លូវ កប់លិចកង់ម្ខាង ទៅមុខលែងរួច ថយក្រោយក៏មិនរួច កាលពីវេលាម៉ោង ១និង៤៥នាទីរសៀលថ្ងៃទី២១ ខែវិច្ឆិកា ឆ្នាំ២០២២ នៅតាមផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅ៣ ខណ្ឌពោធិសែនជ័យ ។
តាមប្រជាពលរដ្ឋនៅកន្លែងកើតហេតុ បានឲ្យដឹងថា មុនកើតហេតុ រថយន្តស្ទូច ចំណុំ២,៥តោន ពណ៌ស ម៉ាកហ៊ីយ៉ាន់ដាយ ពាក់ស្លាកលេខ ក 7161 ភព3 បើកតាមបណ្តោយផ្លូវជាតិលេខ៣ ពីជើងទៅត្បូង ដល់ចំណុចកើតហេតុ បានគេចរថយន្តដែលបើកនៅពីខាងមុខ ស្រាប់តែរេចង្កូតជ្រុលឡើងសួនទ្រូងផ្លូវ កប់លិចកង់ទាំងមុខ ទាំងក្រោយ ជាប់ក្នុងសួន ។
ក្រោយកើតហេតុសមត្ថកិច្ចចុះទៅពិនិត្យ រួចប្រគល់ឲ្យជំនាញ ដើម្បីអូសយករថយន្តទៅរក្សាទុកនៅការិយាល័យចរាចរជើងគោកស្នងការក្រុងភ្នំពេញ រង់ចាំដោះស្រាយផលប៉ះពាល់សួនច្បារពុះចែកទ្រូងផ្លូវ៕
![](https://i0.wp.com/postnews.com.kh/wp-content/uploads/2022/11/postnews.com.kh.2022-11-21_16-03-51.jpg?fit=1000%2C450&ssl=1)
![](https://i0.wp.com/postnews.com.kh/wp-content/uploads/2022/11/postnews.com.kh.2022-11-21_16-03-56.jpg?fit=1000%2C450&ssl=1)
![](https://i0.wp.com/postnews.com.kh/wp-content/uploads/2022/11/postnews.com.kh.2022-11-21_16-04-01.jpg?fit=1000%2C450&ssl=1)
![](https://i0.wp.com/postnews.com.kh/wp-content/uploads/2022/11/postnews.com.kh.2022-11-21_16-04-06.jpg?fit=1000%2C450&ssl=1)
មតិយោបល់