ព័ត៌មានជាតិ

សមត្ថកិច្ចជំនាញឃាត់ខ្លួនជនសង្ស័យ០៥នាក់ក្នុងករណីរក្សាទុកចែកចាយគ្រឿងញៀនខុសច្បាប់

ខេត្តបាត់ដំបង : យោងតាមផេក ការិយាល័យផ្សព្វផ្សាយតាមបណ្តាញសង្គម ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន នៅថ្ងៃព្រហស្បតិ៍ ១១រោច ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៦ ខែកុម្ភ: ឆ្នាំ២០២៣ វេលាម៉ោង១៥នឹង០០នាទី ត្រង់ចំណុចក្រុមទី១០ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង​ កម្លាំងការិយាល័យនគរបាលប្រឆាំងគ្រឿងញៀន​ ដឹកនាំដោយលោកវរសេនីយ៍ឯក សុខ​ និមល ជានាយការិយាល័យ​ សហការជាមួយកម្លាំងអធិការដ្ឋាននគរបាលក្រុងបាត់ដំបង បានចុះប្រតិបត្តិការបង្ក្រាបបានករណីរក្សា​ទុក​ ចែកចាយ និងជួញដូរដោយខុសច្បាប់នូវសារធាតុគ្រឿងញៀន ០១ករណី ក្នុងបទល្មើសជាក់ស្តែង​។

ប្រតិបត្តិការខាងលើនេះ​ សមត្ថកិច្ចបានឃាត់ខ្លួនជនសង្ស័បានចំនួន ០៤នាក់
១.ឈ្មោះ គឹម ម៉េងលី ហៅ​ យ៉ុង ភេទប្រុស អាយុ៣១ឆ្នាំ មានទីលំនៅភូមិចម្ការសំរោង២ សង្កាត់ចម្ការសំរោង ក្រុងបាត់ដំបង ខេត្តបាត់ដំបង​
២.ឈ្មោះ សាស់ គីពៅ ភេទស្រី អាយុ១៨ឆ្នាំ មានទីលំនៅភូមិចម្ការសំរោង២ សង្កាត់ចម្ការសំរោង ក្រុងបាត់ដំបង ខេត្តបាត់ដំបង​
៣.ឈ្មោះ ម៉ង់ ចាន់ធឿន ហៅ​ កា ភេទស្រី អាយុ១៨ឆ្នាំ មានទីលំនៅឃុំអូរបីជាន់ ស្រុកអូរជ ខេត្តបន្ទាយមានជ័យ​
៤.ឈ្មោះ រស់ កក្កដា ភេទប្រុស អាយុ២៣ឆ្នាំ មានទីលំនៅភូមិស្តៅ ឃុំស្តៅ ស្រុករតន:មណ្ឌល ខេត្តបាត់ដំបង។
វត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០៩ថង់ ទម្ងន់ ៨,៤០ក្រាម (ទាំងសំបក)
-ទូរស័ព្ទដៃចំនួន ០១គ្រឿង (ចាស់)
-សម្ភារសម្រាប់រំលែកច្រកថ្នាំញៀនលក់ និងសម្ភារសម្រាប់ប្រើប្រាស់ថ្នាំញៀនមួយចំនួន ។
ឆ្លងតាមចម្លើយសារភាពរបស់ជនសង្ស័យឈ្មោះ គឹម ម៉េងលី ហៅ យ៉ុង និងដោយមានការអនុញ្ញាតពី ឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង កម្លាំងសមត្ថកិច្ចបានបន្តកិច្ចប្រតិបត្តិការ រហូតឈានដល់ចាប់ឃាត់ខ្លួនជនសង្ស័យបានម្នាក់ទៀត នៅថ្ងៃទី១៦ ខែកុម្ភ: ឆ្នាំ២០២៣ វេលាម៉ោង១៥នឹង៣០នាទី នៅចំណុចភូមិចម្ការសំរោង១ សង្កាត់ចម្ការសំរោង ក្រុងបាត់ដំបង ខេត្តបាត់ដំបង ជនសង្ស័យឈ្មោះ មិន ណាន់ ហៅ​ កុយ ភេទប្រុស អាយុ៣១ឆ្នាំ មានទីលំនៅភូមិចម្ការសំរោង២ សង្កាត់ចម្ការសំរោង ក្រុងបាត់ដំបង ខេត្តបាត់ដំបង។
វត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (យ៉ាម៉ា WY) ចំនួន ២៥គ្រាប់ និង ០១ចំហៀង ទម្ងន់ ២,៤៨ក្រាម ។
-ថ្នាំញៀនប្រភេទមេតំហ្វេតាមីន (យ៉ាម៉ា WY) ចំនួន ០១ថង់ ទម្ងន់ ៩,០៣ក្រាម (ទាំងសំបក ចូលទឹក) ។
-ដបទឹកដែលបានចាក់ថ្នាំញៀនចូលចំនួន ០១ដប ។
-ទូរស័ព្ទដៃចំនួន ០១គ្រឿង ។
-ជញ្ជីង ០១គ្រឿង ។
-សម្ភារសម្រាប់រំលែកច្រកថ្នាំញៀនលក់ និងសម្ភារសម្រាប់ប្រើប្រាស់ថ្នាំញៀនមួយចំនួន​ ។
បច្ចុប្បន្ន ជនសង័្សយទាំង០៥នាក់រួម និងវត្ថុតាងកម្លាំងនគរបាលការិយាល័យប្រឆាំងគ្រឿងញៀនកំពុងរៀបចំសំណុំរឿងបញ្ជូនទៅសាលាដំបូងខេត្តបាត់ដំបង ដើម្បីអនុវត្តបន្តតាមនីតិវិធីច្បាប់៕

មតិយោបល់