ថ្មីៗនេះមានសារបោកបញ្ឆោតមួយដែលចុះផ្សាយតាមរយៈបណ្តាញ​គេហទំព័រសង្គម Facebook ដោយ​អត្ថន័យ​ក្នុង​សារ​នោះ​បាន​និយាយ​ថា​ “តារា​ចម្រៀង​អន្តរជាតិ​ Rockstar​ Legend​ Jon Ben Jovi បាន​ស្លាប់នៅ​អាយុ 49 ឆ្នាំ”។ សារ​នេះ​បាន​បន្ត​ទៀត​ថា​វា​ជា​ការ​ពិត​ណាស់​គាត់​ពិត​ជា​ស្លាប់​ពិត​មែន បន្ទាប់ពីអ្នក​ជំនួយការវេជ្ជបណ្តិតបានឃើញគាត់ដួលសន្លប់នៅក្នុងសណ្ឋាគារ Empress Hotel របស់គាត់។ នេះវា​មិនមែនជាការពិតនោះទេ ដូច្នេះពេលអ្នកដែលបានឃើញនូវសារនេះ សូមកុំព្យាយាមបន្តចែករំលែកអី ​ហើយអ្នកដែលដឹងពីព័ត៌មាននេះក៏សូមឈប់បន្តឆរបោក។ ប្រភពព័ត៌មាននេះសារបោកបញ្ឆោតនេះគឺ​ចេញពី Workpress មួយដែលមានឈ្មោះថា dailynewbloginternational.wordpress.com បន្ទាប់មកក៏មាន​អ្នកដែលប្រើប្រាស់អ៊ីនធើណែតជាច្រើនបានចុះផ្សារតាមរយៈបណ្តាញផ្សេងៗ។ ប៉ុន្តែអ្វីដែលជាការពិតនោះគឺគាត់នៅមានជីវិតនៅឡើយទេ។

គួរបញ្ជាក់ផងដែរថា នាពេលឥឡូវនេះសម្បូរទៅដោយអ្នកបោកប្រាស់ជាច្រើនតាមរយៈអ៊ីនធើណែត ដែលគោលបំណងរបស់ពួកនេះគឺគ្រាន់តែចង់សប្បាយ និងបំផ្លាញអ្នកដទៃប៉ុណ្ណោះ ដូច្នេះសូមអ្នកដែល​និយមប្រើប្រាស់អ៊ីនធើណែតទាំងឡាយមេត្តាសិក្សាស្វែងយល់ពីបញ្ហានេះឲ្យបានច្រើន។ កុំប្រព្រឹត្តអ្វីមួយដោយមិនបានពិចារណា៕