នៅពេលដែលប្រិយមិត្តទាំងអស់បានឃើញ ពីអត្ថបទ ទុំទាវ និង រឿងផ្កាស្រពោន លោកអ្នកពិតជាដឹងជាក់ជាមិនខានឡើយ ថាវាជារឿងប្រលោមលោកបែបស្នេហាដែលមានភាពជូរចត់ជាទីបំផុត។ប្រលោមលោកដែលកើតឡើងពីទឹកដៃនិពន្ឋរបស់ខ្មែរពិតៗដែលស្ថិតក្នុងសម័យកាលផ្សេងៗគ្នា ត្រូវបានជុំវិញអ្នកសិក្សាទទួលស្គាល់ថា ជាសាច់រឿងដែលមានលក្ខណៈល្អ សម្រាប់អប់រំមនុស្សផងដែរ។
ភាពជូរចត់ដែលផុសចេញពិវណ្ណកម្មរបស់អ្នកនិពន្ឋខ្មែរត្រូវបានជុំវិញអ្នកសិក្សា ងឿងឆ្ងល់បង្កើតចេញជាសំនួរឡើងថា “រនាំងវណ្ណៈក្នុងរឿងទុំទាវ និង ផ្កាស្រពោន?”
ទុំទាវ ជារឿងមួយនៅក្នុងសម័យកាលនំមិនធំជាងនាឡិ ស្នេហារវាងនេនទុំ និងទាវមានឧបសគ្គរាប់យជំពូកទម្រាំនឹងមាន ជួប គ្នា ម្តងៗ ជួបហើយក៏ត្រូវព្រាត់ ដោយមានមារចាំពង្រាត់ជានិច្ច ។ទោះបីជាយ៉ាងនេះក្តីស្នេហាពួកគេទាំងពីរជាស្នេហាស្មោះស្មគ្រ័មិនរួញរានឹងការលំបាកឡើយ វណ្ណៈស្នេហាជាឧបសគ្គដ៏ធំដែលតម្រូវឲ្យយាយ ផាន់កាត់មនោសញ្ចេតនាស្នេហារវាងកូនខ្លួនពីនេនទុំ។
ចំណែកនាងទាវ ដែលជាស្រីស្អាតជាងគេក្នុងជើងខាលត្បូងឃ្មុំ ត្រូវបានតស៊ូជាមួយនឹងម្តាយដើម្បីក្តីស្នេហារបស់នាង ដោយមិនខ្លាចអ្នកផងថាឡើយ ។ក្តីតស៊ូនេះរវាង របងវណ្ណៈនំមិនធំជាងនាឡិទោះបីជាឈ្នះក៏ឈ្នះក្នុងរយៈពេលខ្លីដែរ ដោយមានម្តាយទាវចាំបំបែកជានិច្ច។ ការរើបំរៈពីនឹមអាណានិគមន៍មិនធំជានាឡិ ជារឿងមួយមិនមានភាពងាយស្រួលសម្រាប់ដៃគូរស្នេហាឡើយ អ្វីដែលតស៊ូជាយូរកន្លងមកត្រឹមតែបានរស់នៅជាមួយនឹងគ្នារយៈពេលខ្លី តែប៉ុណ្ណោះដោយភាពបូជាសម្រាប់ភាពស្មោះស្មគ្រ័នេះ ចុងក្រោយត្រឹមតែបូជាជីវិតតែប៉ុណ្ណោះ ទោះបីជាយ៉ានេះក្តី ភាពតស៊ូក្នុងស្នេហាពិតរបស់អ្នកទាំងពីរ ធ្វើឲ្យយុវជន និងជុំវិញអ្នកសិក្សារឿងនេះសសើរពិវីរៈភាពរបស់អ្នកទាំងពីរមិនដាច់ពីមាត់ឡើយ ។
ចុះ ប៊ុនធឿន និង វិធាវី ក្នុងរឿងផ្កាស្រពោនមានរឿងអ្វី ដែរ ? រឿងផ្កាស្រពោន ដែលជាវណ្ណកម្មលោក នូ ហាច ស្ថិតក្នុងស.វ ទី ២០ ហើយជាសាច់រឿងស្ថិតក្នុងបែបវណ្ណកម្មទំនើបរបស់អ្នកនិពន្ឋ ។
ផ្កាស្រពោន ជាសាច់រឿងមួយដែលមិនខុសអីនឹងរឿងទុំទាវ នោះទេ ដែលនិយាយពីរបងរណ្ណៈដូចគ្នា កាលដែល ឱពុក របស់ ប៊ុនធឿន ស្លាប់ដោយលិចទូកកណ្តាលទន្លេ យាយនួន ដែលជាម្តាយ វិធាវី ខំព្យាយាមនិយាយពន្យល់កូនឲ្យរើសយកកំម្លោះ ណៃស៊ត ដែលជាកូនអ្នកមាន ដោយ វិធាវីដឹងច្បាស់ថា កំម្លោះរូបនេះជាមនុស្សខិលខូចចូលចិត្តតែបំផ្លាញតែព្រហ្មចារីយស្រីៗ ។វិធាវី ខឹងនឹងម្តាយណាស់តែហាស្តី ណាមួយខ្លាចអ្នកផងថ្កោលទោស ថានាងជាកូនអកត្តញ្ញូ ក៏សុខចិត្តខំមាត់ខំអណ្តាញមិនស្តីមិនត វិធាវីមិនបណ្តោយឲ្យម្តាយធ្វើតាមចិត្តឡើយ។ពីមួយថ្ងៃទៅមួយថ្ងៃនាវិធាវី កាន់តែមានសុខភាពទ្រុឌទ្រោមទៅហើយ ទោះបីជាសង្សារបណ្តូលចិត្តអង្វរឲ្យរៀបការជាមួយនឹងប្រុសផ្សេង ដែលជាកូនអ្នកមានប្រចាំតំបន់ ក៏វិធាវីមិនព្រមបោះបង់នូវភក្តីភាពដែលមានជាប់នឹងទ្រូងនាងដែរ ។ប៊ុនធឿនអ្វីដែលធ្វើបាននៅពេលនេះគឺមានតែចង់ឃើញសង្សាររបស់ខ្លួនរស់ក្នុងភាពសុខសាន្ត តែលទ្ឋផលដែលប៊ុនធឿន ចង់បានមិនដូចបំណងឡើយ ត្រឹមតែឃើញភ្លក់ភ្លើងដែលដុតរាងកាយស្រលូនរបស់ វិធាវី តែប៉ុណ្ណោះ ។
រនាំងវណ្ណៈស្នេហា ពិតជាខ្លាំងមែន ដែលធ្វើឲ្យមនុស្សហានលះបង់ ជីវិតដើម្បីតែស្នេហានេះ ដែលវីរៈភាពក្នុងការតស៊ូ ពិតជាគ្មានបានជោគជ័យឡើយ ត្រឹមតែយកភ្លក់ភ្លើងមកដុតរាងកាយ ទៅហោង ។
សម្រាប់នាពេលបច្ចុប្បន្នមិនស្ថិតដូចក្នុងសម័យកាលកន្លងទៅនោះទេ ស្នេហារបស់យុវវ័យមួយចំនួនត្រូវបានបើកឲ្យមានភាពទូលំទូលាយ ក្នុងការជ្រើសរើសដៃគូស្នេហា ៕
សម្រាប់ប្រិយមិត្តរបស់ ដំណឹង គិតយ៉ាងដូចម្តេចដែរ ចំពោះសាច់រឿងទាំងពីរនេះ ?
ប្រភពរូប៖ អ៊ីនធឺណេត
មតិយោបល់