ហេតុការណ៍ដ៏រន្ធត់មួយបានកើតឡើងកាលពី វេលាម៉ោង ១២ និង៣០ នាទីថ្ងៃត្រង់ ថ្ងៃទី១៨ ខែមករា ឆ្នាំ២០១២ លក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ។ រថយន្តលាយ
ស៊ីម៉ងត៍ ធុនវែង សណ្តោងកុងតឺន័រចំនួន ៤ ផើង បានបើកចេញពីក្រុមហ៊ុន ខេស៊ីមែន ជ្រុលបុកផ្ទះប្រជាពលរដ្ឋ បណ្តាលឲ្យកិនខ្ទេចម៉ូតូ ២ គ្រឿង ផ្ទះមួយខ្នង តែគ្មានអ្នករងរបួស និងស្លាប់ទេ ។
រថយន្តបង្កម៉ាក Hyundai ពណ៌បៃតង ស្លាកលេខ ភ្នំពេញ ៣A ៦៤៥២ ដឹកស៊ីម៉ងត៍ក្រុមហ៊ុនខេស៊ីមែន បើកបរដោយបុរសម្នាក់ ដែលរត់ចូលក្នុងក្រុមហ៊ុន ខេស៊ីមែន ក្រោយពីកើតហេតុភ្លាមៗ។
លោកណូត ស្រេង អាយុ៣៣ឆ្នាំ ជាជាង ជួសជុលម៉ូតូ ស្នាក់នៅភូមិ សង្កាត់កើតហេតុ ខាងលើ និងមានស្រុក កំណើតនៅភូមិអូររំ ចេក ឃុំសំរោជ ស្រុកស្ទោង ខេត្ដកំពង់ធំ បានឱ្យដឹងថា ខណៈដែលរូបលោកកំពុងជួស ជុល ម៉ូតូ ហើយនៅមុនកើតហេតុមួយប៉ព្រិច ភ្នែក លោកបានងើបទៅនោម ពេលនោះ អ្នកបើកបររថយន្ដ ដឹកទឹក ស៊ីម៉ង់ត៍ ដែលមាន តកន្ទុយផងនោះ បានបើកចេញពីក្រុមហ៊ុន មួយនៅទល់មុខកន្លែងធ្វើម៉ូតូរបស់លោក ពេល នោះ ទំនងជាដាច់ហ្វ្រាំងជាន់មិនស៊ី ហើយ យកចង្កូតមិនទាន់ ក៏ជ្រុលបុកចូលកន្លែងធ្វើ ម៉ូតូខាងលើនេះតែម្ដង ។
ម៉ូតូ ២ គ្រឿង ដែលរថយន្តបុកកិនខ្ទេច ម៉ាក គុប C50 ពណ៌ទឹកសមុទ្រ ស្លាកលេខ ធ ៤៥៧១ ភព១ និងម៉ូតូមួយគ្រឿងម៉ាក គុបជ្រុង ពណ៌ស្លែ ស្លាកលេខ ដ ៥០២៦ ភព១។
យោងតាមប្រភពព័ត៌មានពីសាក្សីបានឱ្យដឹងទៀតថា សម្រាប់គ្រោះថ្នាក់ ចរាចរនេះ បានបណ្ដាលឱ្យ កកស្ទះចរាចរជា ច្រើនម៉ោង ចាប់ពីស្ពានអាកាសក្បាលថ្នល់ រហូតដល់រង្វង់ព្រះនរាយណ៍ក្រុងតាខ្មៅ ប៉ុន្ដែ កម្លាំងសមត្ថកិច្ចរបស់ខណ្ឌមានជ័យនិង រាជធានីភ្នំពេញ បានជួយអន្ដរាគមន៍ភ្លាមៗ នៅកន្លែងកើតហេតុ ដើម្បីជួយបញ្ចៀសការកកស្ទះ ៕
ដោយៈ ឈាមត្រជាក់
មតិយោបល់