រាជធានីភ្នំពេញ ថ្ងៃទី ១១ ខែ ឧសភា ឆ្នាំ ២០១២ ក្រុមហ៊ុនបណ្តាញចល័ត Beeline ប្រចាំកម្ពុជាដែលជាផ្នែកមួយរបស់ក្រុមហ៊ុន Vimpelcom Group ដែលជាក្រុមហ៊ុនផ្តល់សេវាកម្មទូរគមនាគមន៍ អន្តរជាតិលំដាប់ទី ៦ នៅលើពិភពលោកបានប្រកាសណែនាំ ថ្នាក់ដឹកនាំ ថ្មីរបស់ខ្លួន គឺលោក Siddhata Kothari ជាអគ្គនាយកថ្មី ប្រចាំ នៅកម្ពុជា ។
លោក Siddhata Kothari បានមានប្រសាសន៍ថា “ខ្ញុំពិតជាត្រេកអរខ្លាំងណាស់ក្នុងការចូលរួមជាមួយនឹង Beeline ដែលជាទូរស័ព្ទចល័តលំដាប់ថ្នាក់លេខ ៣ ក្នុងប្រទេសកម្ពុជា និងសេវាគ្របដណ្តប់ល្អបំផុតទូទាំង ២៤ រាជធានី ខេត្តក្រុង” ។ Beeline បានក្លាយទៅជាពាណិជ្ជសញ្ញាមួយក្នុងចំណោមពាណិជ្ជសញ្ញាដែលពេញនិយមបំផុត ព្រមទាំងផលិតផលច្នៃ ប្រឌិតខ្ពស់ ។Beeline បានបំពេញតម្រូវការជូនអ្នកប្រើប្រាស់របស់យើង ដែលមានចំនួនលើសពី ១ លាននាក់ នៅក្នុងព្រះរាជាណាចក្រកម្ពុជា។គោលដៅរបស់យើងនៅពេលនេះគឺ ធ្វើយ៉ាងណាដើម្បីរក្សាដំណើរការរីកចម្រើនដ៏ឆាប់រហ័ស ហើយថែមទាំង ធ្វើឲ្យក្រុមហ៊ុនមួយនេះ បោះជំហានថ្មីទៅរកការអភិវឌ្ឍន៍កាន់តែប្រសើរជាលំដាប់ ។ដើម្បីឲ្យការប្តេជ្ងាមួយនេះទទួលបានជោគជ័យ ប្រាកដណាស់ដែលយើងនឹងណែនាំជូននូវផលិតផលដ៏ល្អគ្មានពីរនិងគួរឲ្យចាប់អារម្មណ៍ដល់អតិថិជនក្នុងពេលឆាៗប់នេះ ។
លោក Siddhata Kothari ធ្លាប់បម្រើការងារទាក់ទងនឹងផ្នែកហិរញ្ញវត្ថុអស់រយ:ពេល ១៩ ឆ្នាំនិងបានទទួលតួនាទី ដឹកនាំ ក្នុងផលិតកម្ម និងឧស្សាហកម្ម ទូរគមនាគមន៍ក្នុងប្រទេសដ៏ច្រើនដូចជា ប្រទេស ឥណ្ឌា ឥណ្ឌូនេស៊ី ឡាវ និងវៀតណាម ។លោកបានធ្វើការជាមួយនឹង Tigo ដែលជាប្រតិបត្តិការណ៍របស់ ក្រុមហ៊ុន Millicom International ក្នុងប្រទេសឡាវ ។ក្នុងខែ វិច្ចិការ ឆ្នាំ ២០០៨ ក្នុងតំណែងជា ហិរញ្ញវត្ថុ(CFO) ហើយបានបន្តតួនាទី ដដែលនេះសម្រាប់បណ្តាញទូរទសព័្ទ Gtel ដែលជាប្រតិបត្តិការមួយនៃក្រុមហ៊ុន Vimpelcom LTD នៅប្រទេសវៀតណាម ។ Siddhata Kothari គឺជាគណនេយ្យករមួយរូបប្រចាំនៅក្នុងប្រទេសឥណ្ឌា ។
គួរបញ្ជាក់ផងដែរថា លោក Siddhata Kothari បានចូលកាន់តំណែងជាផ្លូវការ ក្នុងនាមជាអគ្គនាយកបណ្តាញទូរស័ព្ទចល័ត Beeline ប្រចាំនៅកម្ពុជា បន្តពីលោក Gael Campan តាំងពីថ្ងៃទី ៤ ខែ ឧសភា ឆ្នាំ ២០១២ នេះ។
ក្រុមហ៊ុន Beeline ប្រចាំនៅកម្ពុជា បានចាប់ដំណើរការនៅចាប់ពាក់កណ្តាលឆ្នាំ ២០០៩ និងបានសាង បណ្តាញសេវាគ្របដណ្តប់របស់ខ្លួននៅទូទាំងផ្ទៃប្រទេស នាចុងឆ្នាំ ២០១០ ។Beeline បានក្លាយទៅជាពាណិជ្ជសញ្ញា ដ៏ពេញនិយមបំផុតមួយក្នុងចំណោមពាណិជ្ជសញ្ញាជាច្រើន ក្នុងទីផ្សារទូរគមនាគមន៍ ដ៏ល្អបំផុត តម្លៃអត្រាហៅចេញដ៏ល្អបំផុត ។បណ្តាញទូរស័ព្ទចល័តនេះ មានការរីកលូតលាស់ណាស់យ៉ាងឆាប់រហ័ស នៅកម្ពុជា ។មិនតែប៉ុណ្ណោះ ក្រោយពីទទួលលទ្ធផលដ៏គាប់ប្រសើរនៃការធ្វើតេស្តសាកល្បងទៅលើប្រព័ន្ធគ្រប់គ្រងរួចមក នៅឆ្នាំ ២០១១ Beeline បានទទួលនូវវិញ្ញាបនបត្រស្តង់ដាអន្តរជាតិ ISO 9001:2008 បញ្ចាក់ពីគុណភាពប្រព័ន្ធគ្រប់គ្រង។ហើយនាពេលថ្មីនេះ Beeline ក៏ទទួលបានជ៍យលាភីផលិតផល និង សេវាកម្ម ទូរគមនាគមន៍និង បច្ចេកវិទ្យាល្អបំផុត។ជ័យលាភីនេះ ត្រូវបានប្រគល់ជូន ក្រុមហ៊ុន Beeline ប្រចាំកម្ពុជា ដោយ ក្រុមហ៊ុនទិន្នន័យអន្តរជាតិ (IDG) សហការជាមួយអាជ្ងាធរជាតិ ទទួលបន្ទុកកិច្ចការអភិវឌ្ឍន៍ វិស័យបច្ចេកវិទ្យា គមនាគមន៍ ព័ត៌មានវិទ្យា (NIDA) វិស័យបច្ចេកទទួលការអនុញ្ញាតិ និងក្រសួងប្រៃសណីយ៍ និងទូរគមនាគមន៍ កាលពីដើមខែ មេសា ឆ្នាំ ២០១២ កន្លងទៅនេះ នៅក្នុងឱកាស ការប្រកាសលទ្ធផល “ជ័យលាភីនៃផលិតផល និង សេវាកម្ម ទូរគមនាគមន៍ បច្ចេកវិទ្យាព័ត៌មានល្អបំផុត” លើកទី ៤ ប្រចាំឆ្នាំ ២០១២ នៅកម្ពុជា ៕
អត្ថបទ: ក្រុមហ៊ុន
មតិយោបល់