យាំងហ្គូន: សារពត៍មានក្នុងស្រុករបស់មីយ៉ាន់ម៉ាមួយបានចេញអត្ថបទដែលនិយាយថាអាកាសយានដ្ឋានMandalayដែលធំជាងគេប្រចាំប្រទេសមីយ៉ាន់ម៉ានិងត្រូវបានរដ្ឋាភិបាលគ្រោងនឹងបន្ថែមការសាងសង់ដើម្បីខ្លួនទទួលបាននូវការបំរើសេវាកម្មដឹកជញ្ជូនតាមអាកាសកាន់តែប្រសើរឡើង។
នាយកដ្ឋានអាកាសចរស៊ីវិលនៃក្រសួងដឹកជញ្ជូនរបស់រដ្ឋបានបញ្ជាក់ថាដើម្បីធ្វើការកែសម្រួលនិងអភិវឌ្ឍន៍បន្ថែម Mandalayនិងត្រូវអនុញ្ញាតឲ្យក្រុមហ៊ុនក្នុងស្រុកជាច្រើនធ្វើការសរសេរសំណើរនិងដេញថ្លៃក្នុងការធានារ៉ាប់រងនៃការទទួលសាងសង់។អាកាសយានដ្ឋានអន្តរជាតិMandalayជាអាកាសយានដ្ឋានដែលវែងជាងគេបំផុតក្នុងតំបន់អាស៊ីអាគ្នេយ៍ហើយវាអាចមានលទ្ធភាពទទួលភ្ញៀវរហូតដល់3លាននាក់ជារៀងរាល់ឆ្នាំ។Mandalayត្រូវបានសាងសង់ឡើងកាលពីឆ្នាំ2000ដែលអាចទទួលយន្តហោះប្រភេទប៊ូអ៊ីងផងដែរ។
មីយ៉ាន់ម៉ាមានសរុបអាកាសយានដ្ឋានអន្តរជាតិ3ធំៗដូចជាYangon, Nay PyiនិងMandalayហើយក្រៅពីនេះនៅមានអាកាសយានដ្ឋានដល់ទៅ29កន្លែងផ្សេងទៀតនៅក្នុងប្រទេស៕
មតិយោបល់