មូលហេតុនៃការមានក្លិនខ្លួន ដែលមិនមែនជាទីបេតីសម្រាប់មនុស្សប្រុសស្រីនោះ គឺបណ្តាលមកពី អ័រម៉ូនថេថូស្តឺរ៉ូន របស់បុរសមានច្រើនជាងស្ត្រី ហើយធ្វើឱ្យក្រពេញញើសនៅតាមក្លៀក និងបរិវេណប្រដាប់ភេទ ដោយការបញ្ចេញញើសខុសធម្មតា។ ក្រៅពីនេះបុរសពុំសូវចេះថែទាំ ខ្លួនប្រាណដូចស្ត្រីផងនោះ ទើបក្លាយជាប្រភពក្លិន គួរឱ្យជៀសឆ្ងាយតែម្តងទៅ។
សូមចែករំលែកនូវរូបមន្តរំងាប់ក្លិនខ្លួនពីធម្មជាតិ ៖
១-សំបកមង្ឃុត : យកសំបកមង្ឃុតស្ងួតមួយភាគ និងទឹកបីភាគ ដាក់ដាំទឹកបីយកទឹកមួយ ហើយត្រងយកតែទឹកទៅលាយទឹកធម្មតា សម្រាប់ងូតជាប្រចាំថ្ងៃ។ ប្រសិនបើមិនដូច្នេះ អាច យកទឹកស្ងោររំងាស់សំបកមង្ឃុត លាបបំពកពីលើក្លៀកទុកចោលមួយស្របក់ ហើយសឹមលាងទឹកចេញក៏បាន។ ធ្វើបែបនេះឱ្យបានជាប់ៗគ្នាជាប្រចាំ រយៈពេលមួយសប្តាហ៍នឹងរលាយបាត់អស់ក្លិនក្លៀកហើយ។
២-ដើមបាស : យកដើមបាសស្រស់ (ទាំងដើម ទាំងស្លឹក) ប្រមាណជា២ក្តាប់ បុកឱ្យល្អិតលាយ ជាមួយកំបោរក្រហម ហើយលាបបំពកពីលើក្លៀក ទុកចោលមួយស្របក់ ចាំលាងទឹកចេញ។ ធ្វើបែបនេះឱ្យបានជាប់ៗគ្នាជាប្រចាំ រយៈពេលមួយសប្តាហ៍នឹងអាចកម្ចាត់ក្លិនក្លៀកបាន។
៣-អំពិលទុំ : ចូរប្រើទឹកអំពិលទុំកក់ខ្លួនជំនួសសាប៊ូ នៅពេលងូតទឹកប្រចាំថ្ងៃ។ ទឹកអំពិលទុំ ជួយជម្រុះកោសិកាចាស់ និងកម្ចាត់ចោលភាពអាប់អួរស្មោកគ្រោក ដែលជាប្រភពក្លិនក្លៀក។ ការប្រើប្រាស់ល្មៀតលាបក្លៀក ក៏អាចជួយបំបាត់ក្លិនក្លៀកដូចគ្នាដែរ។
៤-សាជូរ : យកសំឡីជ្រលក់ទឹកសាជូរ ជូតតាមក្លៀក ដើម្បីកាត់បន្ថយបាក់តេរី ដែល បង្កឱ្យមានក្លិនក្លៀក។ ប៉ុន្តែមិនគួរលាបក្រោយពេលកោរ ឬដករោមក្លៀកថ្មីទេ ព្រោះ បណ្តាលឱ្យផ្សា៕
https://i1272.photobucket.com/albums/y389/domneng/smell-550x366_zps7af73a23.jpg
មតិយោបល់