តារាបាល់ទាត់របស់ក្លិបបិសាចក្រហម គឺកំពុងរីករាយនិងការធ្វើកុងត្រាជាមួយនឹងក្រុមហ៊ុន អាកាសចររុស្ស៊ី Aeroflot ។
ក្នុងការចូលរួមធ្វើកុងត្រានេះដែរ កីឡាករ Wayne Rooney និងមិត្តរួមក្រុមរបស់គាត់ នៅក្លិប បិសាចក្រហម បានផ្តោតអារម្មណ៍លើពហុកីឡដ្ឋាន Old Traford ក្នុងការធ្វើកុងត្រាថ្មី ជាមួយនឹងក្រុមហ៊ុនមួយនេះ។តែទោះជាយ៉ាងណា សម្រាប់កុងត្រាថ្មីនេះដែរ ខាងក្រុមហ៊ុន Aeroflot មិនបានធ្វើការបង្ហាញកុងត្រានោះទេ។ កីឡាករ Wayne Rooney មុននេះដែរចចាមអារាមថា បានចាកចេញពីក្លិប តែពេលនេះកីឡាករ Rooney នៅតែសប្បាយរីករាយក្នុងព្រឹត្តិការណ៍ដែលធ្វើឡើងនៅក្លិប ដោយមិនខ្វល់ពីរឿងអតីតកាល។
គ្រូបង្វឹកថ្មី លោក David Moyes គឺសប្បាយរីករាយក្រៃលែង ដែលបានធ្វើកុងត្រាជាមួយនឹង ក្រុមហ៊ុនអាកាសចរណ៍រុស្ស៊ី ដ៏មានសារៈសំខាន់។ធាតុពិតនោះ បិសាចក្រហម បានធ្វើការសហការ ជាមួយនឹង អាកាសចរណ៍រុស្ស៊ី ក្រុមហ៊ុន Aeroflot ដែលត្រូវបានគេដឹងតាំងពីខែ មេសា តែទើបតែចុះកុងត្រានៅពេលបច្ចុប្បន្ននេះតែប៉ុណ្ណោះ។
ក្នុងពេលកន្លងមក ក្រុមហ៊ុន Aeroflot ជាក្រុមហ៊ុនដ៏ល្បីមួយ តែចៃដន្យអាក្រក់ក៏កើតរឿងមហន្តរាយមួយ លើយន្តហោះ ប៊ូអ៊ីង 777 ដែលហោះពីប្រទេសកូរ៉េ មកកាន់ សាន់ហ្វ្រាន់ស៊ីស្កូ សហរដ្ឋអាមេរិក ដែលបណ្តាលឲ្យមនុស្ស ២ នាក់បានស្លាប់ និង ១៨០ នាក់បានបានរងរបួស ។ តែទោះជាយ៉ាងណានេះ ចុងក្រោយនេះដែរក្រុមហ៊ុននេះបានបោះទុនធ្វើការវិនិយោគសារជាថ្មី ដើម្បីឲ្យវាប្រសើរឡើងវីញ លើហេដ្ឋារចនាសម្ព័ន្ធ និងបច្ចេកទេស ។ រួមជាមួយនឹងគ្នានេះដែរ ក្រុមហ៊ុន Aeroflot បានលើកកម្ពស់របស់ខ្លួន ដើម្បីផ្សព្វផ្សាយ ជាមួយនឹងបិសាចក្រហម ដែលជាជំហានមួយធ្វើឲ្យប្រសើរឡើងវីញ ៕
https://i1272.photobucket.com/albums/y389/domneng/Decore/ManUtd1_zpsa4c29f92.jpg
https://i1272.photobucket.com/albums/y389/domneng/Decore/ManUtd2_zps148da62b.jpg
https://i1272.photobucket.com/albums/y389/domneng/Decore/ManUtd3_zpsa0bac3b0.jpg
https://i1272.photobucket.com/albums/y389/domneng/Decore/ManUtd_zpsd9ebc977.jpg
មតិយោបល់