កាលពីប៉ុន្មានថ្ងៃមុននេះ ដំណឹង បានចុះផ្សាយនូវព័ត៌មានមួយថា មានក្មេងស្រីជនជាតិស្វីសអាយុ ១៨ឆ្នាំម្នាក់បានរងរបួសនៅត្រង់ភ្លៅ ដោយសារតែស្មាតហ្វូន Samsung Galaxy S III ផ្ទុះឡើងភ្លាមៗនៅក្នុងហោប៉ាវ។
នៅពេលនេះ ព័ត៌មានថ្មីបានចុះផ្សាយថា នាង Fanny Schlatter បានប្រើប្រាស់នូវថ្មទូរស័ព្ទក្លែងក្លាយ ដែលជាមិនមែនរបស់ក្រុមហ៊ុន។
កាលពីថ្ងៃសុក្រកន្លងទៅនេះ EMPA Materials Science បានបញ្ជាក់ថា តាមការស្រាវជ្រាវបានរកឃើញថា នាង Fanny បានប្រើប្រាស់នូវថ្មក្លែងក្លាយដែលជាមិនមែនរបស់ក្រុមហ៊ុន ដែលជាហេតុធ្វើឲ្យទូរស័ព្ទផ្ទុះឡើង។
គេនៅមិនទាន់ដឹងច្បាស់ថានេះ ក្រាន់តែជាព័ត៌មានដែលបង្កើតឡើងដើម្បីឲ្យក្រុមហ៊ុន Samsung គេចវេសពីការស៊ើបអង្កេតរបស់អាជ្ញាធរ ឬមួយយ៉ាងណានោះទេ។
គួរបញ្ជាក់ផងដែរថា កាលពីថ្មីៗនេះ មានស្ត្រីជនជាតិចិនវ័យ ២៣ឆ្នាំ ដែលជាអ្នកបម្រើការងារនៅលើយន្តហោះម្នាក់បានស្លាប់ ខណៈពេលដែលនាងបានលើកទូរស័ព្ទពេលកំពុងសាកថ្ម ហើយត្រូវបានអ្នកជំនាញនិយាយថា នាងស្លាប់ដោយសារតែការប្រើប្រាស់ថ្មក្លែងក្លាយ៕
មតិយោបល់