​កាលពី​ខែ​មេសា កន្លងទៅ ក្រុមហ៊ុន Yahoo បាន​ជួន​ដំណឹង​ដល់​អ្នកប្រើប្រាស់ Yahoo! Mail ទាំងអស់​នៅក្នុង​ប្រទេស​ចិន​ឲ្យបាន​ជ្រាបថា ក្រុមហ៊ុន​នឹង​បិទ Yahoo! Mail នៅ​ចុងឆ្នាំ ២០១៣ ដោយ​នៅ​ថ្ងៃនេះ Yahoo ប្រកាស​បិទ​ជា​ផ្លូវការ​។​

​យោង​តាម​ការចុះផ្សាយរ​បស់​គេហទំព័រ​សារព័ត៌មាន​ចិន China Asia បានឲ្យដឹងថា ក្រុមហ៊ុន Yahoo បាន​សម្រេចចិត្ត​បិទ Yahoo! Mail នៅ​ចិន​ជា​ផ្លូវការ ហើយ​អ្នកប្រើប្រាស់​ទាំងអស់​ត្រូវ​បាន​ផ្ទេរ​ទៅកាន់ Aliyun របស់ Alibaba​។​
​ក្រុមហ៊ុន Yahoo មាន​ភាគហ៊ុន​នៅក្នុង​ក្រុមហ៊ុន Alibaba ចំនួន ២០​ភាគរយ ហើយ​នៅក្នុង​សេចក្ដីប្រកាស បានបញ្ជាក់​ថា អ្នក​ប្រើ​អាច​ធ្វើការ Forward នូវ​អ៊ី​មេ​លពី Yahoo! Mail ទៅកាន់ Aliyun រហូត​ដល់​ថ្ងៃ​ទី​៣១​ខែ​ធ្នូ ឆ្នាំ ២០១៣៕
​