ប្រជាជនជប៉ុនរាប់រយពាន់នាក់ដែលបានចូលរួមអបអរសាទរជាមួយនឹងសំណាងសារជាថ្មីរបស់ទីក្រុងតូក្យូក្នុងការទទួលបានសិទ្ធិធ្វើជាម្ចាស់ផ្ទះការប្រកួតកីឡាអូឡាំពិកឆ្នាំ 2020 ។
បើទោះបីជាប្រទេសជប៉ុនជាប្រទេសដែលត្រូវបានគេជឿទុកចិត្តពីលក្ខណ្ឌសុវត្ថិភាពនិងសន្តិសុខក៏ដោយតែនៅសល់បញ្ហាជាចំបងផ្សេងទៀតដែលខ្លួនកំពុងប្រឈមមុខដូចជារោងចក្រនុយក្លេអ៊ែរនិងការស្រោចស្រង់ខ្លួនពីវិបត្តិសេដ្ឋកិច្ចមួយចំនួនដែលលោកនាយរដ្ឋមន្ត្រី Shinzo Abe ត្រូវតែធ្វើយ៉ាងណាជម្រុញឲ្យមានការដោះស្រាយដ៏ប្រសើរមួយមុនការរៀបចំកីឡាកើតឡើង។
នៅលើផ្ទៃដី 8 គីឡូម៉ែតក្រឡាសម្រាប់រៀបចំការប្រកួតនេះទីក្រុងតូក្យូដែលពោរពេញទៅដោយហេដ្ឋារចនាសម្ព័ន្ធជាច្រើនប្រសិទ្ធភាពនៃការដឹកជញ្ជូនដែលជាកតា្តជម្រុញឲ្យមានភាពងាយស្រួលនិងទាក់ទាញចំពោះការធ្វើទេសចរនៅកំឡុងពេលប្រកួត។លោកនាយករដ្ឋមន្ត្រី Abe ធ្លាប់បានសន្យាថារដ្ឋាភិបាលនឹងប្តេជ្ញាចិត្តដោះស្រាយបញ្ហារោងចក្រនុយក្លេអ៊ែររបស់រោងចក្រ Daiichi ដែលបានធ្វើឲ្យប៉ះពាល់ដល់តំបន់មួយចំនួនផង។លោកក៏បានមានប្រសាសផងដែរថាប្រាក់ចំណេញពីសេដ្ឋកិច្ចប្រមាណជារាប់ពាន់ពាន់លានដុល្លារពីការប្រកួតកីឡានេះដែលភាគច្រើនបានមកពីគម្រោងស្ថាបនានិងគម្រោងដែលពាក់ព័ន្ធផ្សេងទៀតបានធ្វើឲ្យសេដ្ឋកិច្ចរបស់ជប៉ុនដែលកំពុងធ្លាក់នឹងងើបឡើងវិញមួយកម្រិត៕
ព័ត៌មានជាតិ
មតិយោបល់