រដ្ឋាភិបាលចិនកំពុងតែស៊ើបអង្កេតលើអតីតប្រធានក្រុមហ៊ុនប្រេង PetroChina បន្ទាប់ពីអាជ្ញាធរបានប្រកាសថានឹងធ្វើការស៊ើបអង្កេតលើអតីតប្រធានប្រតិបត្តិជាន់ខ្ពស់ក្រុមហ៊ុនប្រេងផ្សេងៗ។
ក្រុមហ៊ុនប្រេង PetroChina បានដកចេញនូវឈ្មោះ Wei Zhigang ចេញពីមុខតំណែងប្រធានគ្រប់គ្រងទូទៅនៃក្រុមហ៊ុនរបស់ខ្លួននៅក្នុងប្រទេសឥណ្ឌូនេស៊ីជាច្រើនសប្ដាហ៍ ដោយសារតែមានការស៊ើបអង្កេតមួយក្រៅផ្លួវការនៅក្នុងក្រុមហ៊ុនប្រេងមួយនេះ។ នេះបើយោងតាមប្រភពឧស្សាហកម្មប្រេងនៅក្នុងប្រទេចិនបានរាយការណ៍ឲ្យដឹង។
ពាក់ព័ន្ធនឹងព័ត៌មាននេះ អ្នកនាំពាក្យរបស់ក្រុមហ៊ុន PetroChina លោក Mao Zegeng បាននិយាយថា លោកមិនបានដឹងអំពីរឿងការស៊ើបអង្កេតលើរូបលោក Wei ឡើយ ហើយលោកក៏មិនបានផ្ដល់សេចក្ដីអធិប្បាយច្រើនដែរ។
PetroChina ជាបុត្រសម្ព័ន្ធមួយរបស់ក្រុមហ៊ុនប្រេងជាតិចិន China National Petroleum Corp ដោយប្រតិបត្តិការនៅប្រទេសឥណ្ឌូនេស៊ី ហើយក៏ជាក្រុមហ៊ុនមួយសម្រាប់មុខសញ្ញាក្នុងការស៊ើបអង្កេតរឿងពុករលួយ។
គួរបញ្ជាក់ផងដែរថា មកដល់ពេលនេះ នៅមិនទាន់ស៊ើបឃើញប្រធានណាមួយរបស់ក្រុមហ៊ុននេះ ជាប់ពាក់ព័ន្ធរឿងពុករលួយនោះទេ៕
មតិយោបល់