យោងតាមប្រភពព័ត៌មានបរទេសនានាដែលចុះផ្សាយនៅថ្ងៃទី ១២ ខែវិច្ឆកា ឆ្នាំ ២០១៣ បានឲ្យដឹងថា មានគ្រោះថ្នាក់ចរាចរណ៍ដ៏រន្ធមួយកើតឡើងនៅអាហ្វ្រិកខាងត្បូង រវាងរថយន្តដឹងទំនិញ និងរថយន្តក្រុង។
តាមការដកស្រង់សំដីរបស់លោក Joseph Mabuza ដែលជាអ្នកនាំពាក្យទីភ្នាក់ងារសុវត្ថិភាពនៅក្នុងខេត្ត Mpumalanga ឲ្យដឹងថា ចំនួនអ្នកស្លាប់កើតដល់ ២៩ នាក់ច្រើនជាដំណឹងបណ្តោះអាសន្នដែលមានត្រឹមតែ ២៦នាក់។ គ្រោះថ្នាក់ចរាចរណ៍នេះបានកើតឡើងនៅក្បែរទីក្រុង Kwaggafontein ចម្ងាយ ១០០ គីឡូម៉ែត្រពីរដ្ឋធានី Pretoria។ ហេតុការណ៍ដំបូងអ្នកបញ្ជាររថយន្តដឹងទំនិញព្យាយាមវ៉ារថយន្តដែលនៅពីមុខតែដោយសារតែផ្លូវចង្អៀតក៏បានបុកជាមួយរថយន្តក្រុងតែម្តង។
គ្រោះថ្នាក់នេះបានធ្វើឲ្យមនុស្ស ២៩ នាក់បានស្លាប់ ៨ នាក់ស្ថិតនៅក្នុងស្ថានភាពធ្ងន់ធ្ងរ និង១២នាក់ផ្សេងទៀតរបួសស្រាល ហើយជនរងគ្រោះទាំងអស់ត្រូវបានបញ្ចូនៅមន្ទីរពេទ្យក្បែរក្រុង KwaMhlangu។
ទីភ្នាក់ងារសារព័ត៌មានបារាំង AFP បានធ្វើការពិពណ៌នាថាកន្លែងដែលមានគ្រោះថ្នាក់ចរាចរណ៍គឺជាផ្លូវដ៍សំខាន់ខណៈដែលមានរថយន្ត ៦៣៥ គ្រឿងឆ្លងកាត់ជារៀងរាល់ថ្ងៃដើម្បីនាំមនុសស្ស ៥០.០០០នាក់ទៅធ្វើការនៅ Pretoria។
សូមបញ្ជាក់ផងដែលថា ផ្លូវមួយខ្សែរនេះឧស្សាហ៍មានគ្រោះថ្នាក់ខ្លាំងណាស់ ពីព្រោះរថយន្តដឹកទំនិញផ្ទុកលើសចំណុះ ហើយភាគច្រើនជារថយន្តចាស់ៗថែមទៀត៕
មតិយោបល់