ក្រុមហ៊ុនផ្ដល់សេវាកម្មទូរស័ព្ទក្នុងស្រុកទាំង ៩បានយល់ព្រមឯកភាពគ្នាគោរព និងអនុវត្តន៍តាមការសម្រេចរបស់ក្រសួងប្រៃសនីយ៍ និងទូរគមនាគមន៍ ទៅលើការកំណត់តម្លៃសេវាកម្មទូរស័ព្ទ ប៉ុន្តែនៅមិនទាន់បញ្ជាក់ថា កំណត់តម្លៃប៉ុន្មាននោះទេ។
ការឯកភាពគ្នានេះ ត្រូវបានធ្វើឡើងក្រោយពេលដែលកិច្ចប្រជុំមួយបានធ្វើឡើងនៅថ្ងៃទី១៣ខែធ្នូ ឆ្នាំ ២០១៣ កន្លងទៅ ដោយមានការចូលរួមពីបញ្ញត្តិករទូរគមនាគមន៍ក្នុងស្រុក និងក្រុមហ៊ុនផ្ដល់សេវាកម្មទូរស័ព្ទចល័ត និងអចល័តទាំង៩។
គួរបញ្ជាក់ផងដែរថា កាលពីឆ្នាំ ២០០៩ ក្រសួងប្រៃសនីយ៍ និងទូរគមនាគមន៍បានកំណត់ឲ្យក្រុមហ៊ុនផ្ដល់សេវាកម្មទូរស័ព្ទទាំងអស់នៅក្នុងប្រទេសកម្ពុជា បញ្ឈប់ការផ្ដល់លុយបន្ថែមសម្រាប់អត្រាហៅទូរស័ព្ទក្នុងប្រព័ន្ធតិចជាង ៤,៥សេនក្នុងមួយនាទី និងក្រៅប្រព័ន្ធតិចជាង ៥,៩៥សេនក្នុងមួយនាទី៕
មតិយោបល់