សាលារាជធានីភ្នំពេញបាន កាលពីថ្មីៗនេះបានបើកកិច្ចប្រជុំមួយដើម្បីណែនាំ និងដាស់តឿនដល់សមត្ថកិច្ច និងអាជ្ញធរទាំងអស់ឲ្យពង្រឹងការយកចិត្តទុកដាក់ទៅលើរថយន្តដឹកជញ្ជួនធុនធំចេញ-ចេញក្នុងនៅពេលថ្ងៃ។
លោក ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានមានប្រសាសន៍ណែនាំដល់សមត្ថកិច្ច និងអាជ្ញាធរទាំងអស់នៅគ្រប់ខណ្ឌ ឲ្យបន្ដយកចិត្តទុកដាក់ទៅលើរថយន្តដឹកទំនិញធុនធំចេញ-ចូលក្រុងនាពេលថ្ងៃទៅតាមការសេចក្ដីជួន ព្រោះថានៅពេលនេះ ប្រជាពលរដ្ឋកំពុងតែរង់ចាំមើលថាតើចំណាត់ការរបស់សាលារាជធានីភ្នំពេញមានប្រសិទ្ធភាពដល់កម្រិតណា។
លោក ប៉ា សុជាតិវង្ស បានបន្តទៀតថា សាលារាជធានីភ្នំពេញមិនត្រូវការប្រាក់ពិន័យនោះទេ សំខាន់នោះគឺចង់ឲ្យម្ចាស់រថយន្តគោរពច្បាប់ ប៉ុន្តែបើសិនជាពិន័យ ម្ចាស់រថយន្តទាំងនោះឆ្លៀតឱកាសបំពានច្បាប់។ ពាក់ព័ន្ធនឹងការអនុញ្ញាតឲ្យចេញ-ចូលនៃរថយន្តទាំងឡាយ សាលារាជធានីភ្នំពេញបានប្រគល់សិទ្ធិទាំងស្រុងឲ្យទៅមន្ទីរសាធារណៈការ និងដឹកជញ្ជូនរាជធានីភ្នំពេញជាអ្នកទទួលខុសត្រូវ។
គួរបញ្ជាក់ផងដែរថា នៅពេលនេះ គេសង្កេតឃើញមានរថយន្តដឹកទំនិញធុនធំចេញ-ចូលក្រុងនៅពេលថ្ងៃ ដែលជាហេតុធ្វើឲ្យប្រជាពលរដ្ឋបាត់បង់ទំនុកចិត្តទៅលើចំណាត់ការ ហើយមិនដឹងថាក្រោយពីមានការដាស់តឿននេះហើយ សកម្មភាពទាំងនោះនៅបន្ដមាន ឬមួយយ៉ាងណានោះទេ?៕
https://i1272.photobucket.com/albums/y389/domneng/2013-04/Lingering/PP1_zps1d000be6.jpg
https://i1272.photobucket.com/albums/y389/domneng/2013-04/Lingering/PP3_zps122e7246.jpg
https://i1272.photobucket.com/albums/y389/domneng/2013-04/Lingering/PP4_zps73c252d7.jpg
https://i1272.photobucket.com/albums/y389/domneng/2013-04/Lingering/PP2_zps01ea1fb1.jpg
មតិយោបល់