ការលាងសម្អាតមុខហាក់បីដូចជារឿងមួយធម្មតាទេមែនទេ? អ្នកតែងតែទម្លាប់ធ្វើវារហូតមកហើយ តែមុខរបស់អ្នកនៅតែមានផលប៉ះពាល់ដដែល ដូច្នេះតើអ្វីជាដំណោះស្រាយក្នុងរឿងដ៏ធំមួយនេះ? បញ្ហានេះអ្នកអាចទទួលផលអាក្រក់ច្រើនជាងផលល្អ ប្រសិនបើអ្នកធ្វើវាមិនបានត្រឹមត្រូវទេនោះ គឺអាចធ្វើឲ្យស្បែកមុខស្ងួត រលាកស្បែកមុខ និងធ្វើឲ្យស្បែកមុខយារធ្លាក់ ជ្រីវជ្រួញមុនអាយុ។ ដូច្នេះដើម្បីស្វែងយល់ឲ្យច្បាស់ពីកំហុសឆ្គងដែលអ្នកបានធ្វើនៅពេលអ្នកកំពុងសម្អាតមុខជារៀងរាល់ថ្ងៃ ព្រមទាំងវិធីសាស្ត្រក្នុងការកែតម្រូវវាឡើងវិញ សូមអានសេចក្តីលម្អិតដូចខាងក្រោម៖
ត្រូវជ្រើសរើសយកទឹកសម្អាតមុខអោយបានត្រឹមត្រូវ
វាអាស្រ័យលើប្រភេទស្បែកមុខរបស់អ្នកថាត្រូវជ្រើសរើសទឹកសម្អាតប្រភេទណាដែលប្រសើរ។ លោកវេជ្ជបណ្ឌិត Graf បានធ្វើការណែនាំឲ្យប្រើប្រាស់ហ្វូមលាងមុខ ឬជែលលាងមុខសម្រាប់អ្នកស្បែកមុខមានខ្លាញ់ និងក្រែមលាងមុខសម្រាប់អ្នកមានស្បែកមុខស្ងួត។ តែហាមប្រើសាប៊ូលាងមុខឲ្យសោះ ព្រោះវាធ្វើឲ្យស្បែកមុខអ្នកស្ងួតខ្លាំង។
ត្រូវប្រាកដថាដៃទាំងគូរបស់អ្នកស្អាត
លោកវេជ្ជបណ្ឌិតGrafនិយាយថា ជាធម្មតា ដៃរបស់យើងមានភាពកខ្វក់ដោយសារពាល់នូវរបស់ផ្សេងៗ។ ដូច្នេះសូមលាងដៃរបស់អ្នកជាមុនសិនមុននឹងយកទៅសម្អាតមុខ។ បោកកន្សែងជូតមុខរបស់អ្នកឲ្យស្អាត ប្រសិនបើអ្នកប្រើប្រាស់កន្សែងជូតមុខត្រូវរក្សាកន្សែងនោះឲ្យស្អាតជានិច្ច។ ត្រូវសម្អាតកន្សែងជូតមុខរបស់អ្នកជារៀងរាល់ថ្ងៃ ឬក៏ប្រើកន្សែងថ្មីមួយផ្សេងទៀតរាល់ពេលដែលអ្នកធ្វើការសម្អាតមុខ។ កន្សែងជូតមុខអាចជួយសម្អាតភាពកខ្វក់ និងក្អែលចេញពីស្បែកមុខរបស់អ្នក។ ព្រោះសម្ពាធដែលសង្កត់មកលើមុខអាចជាប់ក្អែលនៅក្នុងរន្ធញើសខណៈដែលអ្នកយកដៃមកលាងសម្អាត។
អ្នកត្រូវការលាងសម្អាតមុខជាមួយនឹងទឹកក្តៅអ៊ុនៗ អ្នកចង់លាងសម្អាតមុខរបស់អ្នកនឹងទឹកក្តៅអ៊ុនៗដើម្បីប្រាកដថាស្បែករបស់អ្នកមានសំណើម និងមិនមានផលប៉ះពាល់អ្វីមកលើស្បែកមុខ។ វិធីដ៏ប្រសើរបំផុតគឺត្រូវប្រើទឹកដែលមិនក្តៅពេកហើយក៏មិនត្រជាក់ពេកដែរ។
កុំខាត់ស្បែកមុខខ្លាំងហួសហេតុ
មនុស្សជាច្រើនចូលចិត្តធ្វើការដុសខាត់ស្បែក នឹងឡេខាត់ស្បែក ដូច្នេះអ្នកត្រូវតែថែរក្សាស្បែកមុខរបស់អ្នកតាមសម្រួល។ អ្នកគួរតែចៀសវាងការប្រើរបស់រឹងៗមកប៉ះលើផ្ទៃមុខ និងធ្វើការដុសខាត់ស្បែកថ្នមៗ ដូច្នេះទើបវាមិនផ្តល់ផលប៉ះពាល់ដល់ស្បែក។ ម្យ៉ងទៀតអ្នកត្រូវតែប្រាកដថាបានសម្អាតផ្ទៃមុខបានស្អាតល្អ។
គ្មានករណីលើកលែងទេត្រូវតែសម្អាតផ្ទៃមុខ ២ ដងក្នុង ១ ថ្ងៃ
មនុស្សភាគច្រើនធ្វើការសម្អាតមុខមិនបានគ្រប់គ្រាន់ទេនេះជាមូលហេតុដែលបង្កឲ្យមានបញ្ហា។ សំខាន់គឺនៅពេលព្រឹកបន្ទាប់ពីអ្នកក្រោកពីដំណេកដើម្បីលាងសម្អាតភាពកខ្វក់ចេញពីផ្ទៃមុខ និងបាក់តេរីដែលបានប្រមូលផ្តុំលើផ្ទៃមុខក្នុងពេលដែលអ្នកកំពុងគេង ហើយម្តងទៀតនៅពេលយប់ដើម្បីលាងសម្អាតក្រែមម្សៅរបស់អ្នក ព្រមទាំងធូលីកខ្វក់ដែលបានមកផ្តុំគ្នាលើផ្ទៃមុខពេញ ១ ថ្ងៃ។
ចុចទីនេះមើលប្រភពដើមសហការជាមួយនឹងដំណឹង
មតិយោបល់