គេហទំព័រដ៏ល្បីរបស់កាសែតចក្រភពអង់គ្លេសត្រូវបានរដ្ឋាភិបាលចិន បានបិទកាលពីថ្ងៃអង្គាកន្លងទៅនេះដោយមិនមានមូលហេតុ។ នេះជាលើកទី១ ដែលសារព័ត៌មានធំរបស់អង់គ្លេសត្រូវបានបិទ។
ប្រភពព័ត៌មានពីទីក្រុងប៉េកាំងបានបញ្ជាក់ថា គេហទំព័រ theguardian.com ត្រូវបានបិទកាលពីម៉ោង ៤ និង ២៦នាទីព្រឹក ម៉ោងក្នុងស្រុកកាលពីថ្ងៃពុធកន្លងទៅ ដោយប្រជាពលរដ្ឋទាំងអស់នៅក្នុងប្រទេសមិនអាចបើកបានឡើយ។
គេមិនបានដឹងពីមូលហេតុនៃការបិទនេះផងដែរ ប៉ុន្តែបើតាមការសន្មត់គឺដោយសារតែសារព័ត៌មានអង់គ្លេសមួយនេះចុះផ្សាយនូវអត្ថបទដែលជ្រៀតជ្រែកក្នុងកិច្ចការនយោបាយរបស់រដ្ឋាភិបាលចិន។
គួរបញ្ជាក់ផងដែរថា កាលពីឆ្នាំ ២០១២ កន្លងទៅនេះ គេហទំព័រសារព័ត៌មានល្បីៗរបស់អាមេរិកមួយចំនួនដូចជា New York times និង Bloomberg សុទ្ធតែត្រូវបានបិទ បន្ទាប់ពីចុះផ្សាយពាក់ព័ន្ធនឹងព្រទ្យសម្បត្តិរបស់ក្រុមគ្រួសារមេដឹកនាំចិន៕
មតិយោបល់