ភ្នំពេញ៖ នៅព្រឹកថ្ងៃទី១៤ខែមករា ឆ្នាំ ២០១៤ នេះ មានហាងលក់ទំនិញមួយចំនួននៅជុំវិញតុលាការក្រុងភ្នំពេញត្រូវបានម្ចាស់ហាងសម្រេចចិត្តបិទ ខណ:ដែលមេដឹកនាំគណបក្សប្រឆាំងចូលមកដល់តុលាការ។ ការសម្រេចចិត្តបិទហាងជាបន្តបន្ទាប់នេះ អាចបណ្ដាលមកពីម្ចាស់ហាងមានការព្រួយរម្ភខ្លាចកើតមានហេតុការណ៍ផ្សេង ដោយសារតែមានវត្តមានក្រុមអ្នកគាំទ្រគណបក្សប្រឆាំង និងក្រុមសមត្ថកិច្ចជាច្រើននៅមុខតុលាការ។
យោងតាមប្រភពដែលនៅក្បែរតុលាការក្រុមភ្នំពេញបានឲ្យដឹងថា នៅពេលព្រឹកនេះ ធនាគារអេស៊ីលីដា ផ្សារ City Mall រួមនឹងហាងមួយចំនួនទៀតដែលនៅជុំវិញតុលាការបានសម្រេចចិត្តបិទទ្វារទៅវិញនៅវេលាម៉ោងប្រមាណ ៩ព្រឹក។
គួរបញ្ជាក់ផងដែរថា នៅព្រឹកនេះ លោកប្រធានគណបក្សសង្គ្រោះជាតិ សម រង្ស៊ី និងលោកអនុប្រធាន កឹម សុខា ត្រូវបានតុលាការកោះហៅទៅបំភ្លឺនៅតុលាការក្រុងភ្នំពេញ ពាក់ព័ន្ធនឹងសំណុំរឿងអំពើហិង្សា កាលពីថ្ងៃតី០៣ខែមករា ឆ្នាំ ២០១៤ កន្លងមក៕
មតិយោបល់