ហ្វីលីពីនត្រូវបានគេមើលឃើញថា ជាប្រទេសធំលំដាប់ទីបីដែលបានការសម្លាប់អ្នកកាសែតច្រើនជាងគេបំផុតក្នុងលោក កាលពីឆ្នាំមុន ខណៈដែលសេរីភាពសារព័ត៌មានកំពុងតែមានការទាមទារ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters ។
វិទ្យាស្ថានសុវត្ថិភាពព័ត៌មានអន្តរជាតិ ( INSI ) បានឲ្យដឹងនៅថ្ងៃអង្គារកន្លងទៅនេះថា មានអ្នកកាសែត ១៤នាក់ ត្រូវបានសម្លាប់នៅក្នុងប្រទេសហ្វីលីពីន ដែលធ្វើឲ្យប្រទេសមួយនេះឈរនៅលេខរៀងទី៣ ជាប្រទេសដែលមានការសម្លាប់អ្នកកាសែតច្រើនជាងគេបន្ទាប់ពី ស៊ីរី មាន ២០នាក់ និង អ៊ីរ៉ង់ ១៦នាក់។
INSI បានរាយការណ៍ថា មានអ្នកកាសែត ១៣៤នាក់ និងបុគ្គលិកប្រព័ន្ធផ្សព្វផ្សាយ ២៩នាក់ ត្រូវបានសម្លាប់កាលពីឆ្នាំ ២០១៣ ដោយមាន ៦៩ករណីត្រូវបានសម្លាប់នៅក្នុងជម្លោះប្រដាប់អាវុធផ្សេងគ្នា។
ក្នុងចំណោម អ្នកកាសែត ១៤នាក់ ដែលបានស្លាប់នៅក្នុងប្រទេសហ្វីលីពីន មាន៤នាក់ត្រូវបានចុះបញ្ជីជាផ្លូវការ ថាបានស្លាប់ខណៈពេលដែលពួកគេចុះយកព័ត៌មានឲ្យស្ថានីយវិទ្យា Tacloban នៅពេលព្យុះទីហ្វុងកើតឡើងកាលពីខែវិច្ឆិកា ២០១៣។
គួរបញ្ជាក់ផងដែរថា កាលពីឆ្នា ២០១២ អ្នកកាសែតចំនួន ១៥២នាក់ បានស្លាប់ ដោយក្នុងនោះមានការគំរាមកំហែង ការរំលោភបំពាន់សិទ្ធិ ការចាប់ជំរិត ជាដើម៕
មតិយោបល់