កាសែត Sports News របស់កូស្តារីកា បានចុះផ្សាយ​ឲ្យដឹងថា ខ្សែការពាររបស់ Everton សញ្ជាតិ​ កូស្តារីការ លោក Bryan Oviedo នឹង​មិនអាចចូលរួម​ប្រកួត បាល់ទាត់ពិភពលោក បាននោះទេ ក្នុងខែ មិថុនា​ខាងមុខនេះ បន្ទាប់ពីរងទុក្ខវេទនា បាក់ជើងឆ្វេង ខណៈដែលលេង​ឲ្យក្លិប Everton ក្នុងក្របខណ្ឌ FA Cup នាជុំទី ៤ កន្លងទៅ ដោយឈ្នះក្លិប Stevenage ក្នុងលទ្ធផល ៤-០ ។​

របួស​ដល់ថ្នាក់បាល់ជើងនេះដែរ ​វា​បានកើតឡើង ក្នុងអំឡុងពេល ​ដែល Bryan Oviedo វ័យ ២៣ ឆ្នាំរូបនេះ បានព្យាយាម ក្លៀរបាល់ជាមួយនឹង ខ្សែបម្រើរបស់ក្លិប Stevenage លោក Simon Heslop នៅតង់ទី ១​។​
ដើម្បីកាន់តែ​ជ្រាបច្បាស់ ខាងបុគ្គលិកពេទ្យក្លិប Everton បាន​ឲ្យដឹងថា ខ្សែការពារ Bryan Oviedo បានបាក់ជើងឆ្វេង ហើយ ដែលទំនង​មិនអាច​​បង្ហាញ​​វត្តមានលើទីលានបាននោះទេ​។​

កីឡាករ Bryan Oviedo ធ្លាប់បានបង្ហាញវត្តមានលេង​ឲ្យជាតិរបស់ខ្លួន បាន ២៦ ដង ហើយ​នឹងមានឈ្មោះលេង​ឲ្យ​ កូស្តារីកា សម្រាប់​ World Cup ដែល​នឹង​ធ្វើឡើងនៅខែ មិថុនា ខាងមុខនេះ​។
ក្រោយពី OViedo រងរបួស អ្នកចាត់ការទូទៅ Roberto Martinez បាននិយាយប្រាប់ BT Sport ថា “យើងពិតជាមានការសោកស្តាយខ្លាំងណាស់ ​ជា​មួយនឹងគ្រោះថ្នាក់អកុសល លើគាត់ ហើយយើងនឹង​ខិតខំផ្តល់អ្វីៗ ទៅតាមលទ្ធភាពដែល​អាច​ធ្វើបាន”៕​

ទស្សនាវិដេអូឃ្លិប បាក់ជើងដូចខាង​ក្រោមនេះ៖