ជាលើកតំបូងហើយ តាំងពីចាកចេញពីបិសាចក្រហម ដែលអ្នកយុទ្ធសាស្ត្រជើងចាស់ Sir Alex Ferguson ហាននិយាយពីគំនិតផ្ទាល់ខ្លួនរបស់គាត់នោះ។
រហូតមកទល់នឹងពេលនេះមានមនុស្សជាច្រើន នៅតែសោកស្តាយ ចំពោះការសម្រេចចេញ របស់អតីត អ្នកចាត់ការទូទៅ របស់ក្លិបបិសាចក្រហម Sir Alex Ferguson ។ ក្នុងនោះអ្វីដែលកាន់តែធ្វើឲ្យសោកស្តាយ កាន់តែធំនោះ គឺ បិសាចក្រហមស្ថិតនៅក្រោមកណ្តាប់ដៃ កាន់កាប់ដ៏បរាជ័យរបស់ David Moyes ។
តែបើសិនជា Sir Alex Ferguson នៅតែ បង្ហាញខ្លួនលើទឹកដី ឬ ការិយាល័យ Old Trafford ជាក់ណាស់ បិសាចក្រហមនឹង បង្ហាញមុខផ្សេងពីស្ថានភាពនាពេលបច្ចុប្បន្ននេះ ដោយមិនរំពឹងថា នឹងអាចកាន់កាប់លេខ ៤ នៅលើតារាង និងឱកាសមិនអាចគ្រប់គ្រងពានចាស នោះទេ។
ថ្មីៗនេះដែរ លោក Sir Alex Ferguson បានបង្ហាញអារម្មណ៍ផ្ទាល់ខ្លួន ខណៈដែលបង្ហាញវត្តមាន នៅ Oscars ដោយគាត់បាននិយាយថា “ខ្ញុំមានអារម្មណ៍ថាធុញណាស់ ខ្ញុំចូលនិវត្តន៍ ហើយ មិនមានអ្វីធ្វើទាំងអស់ ” ។ ក្នុងបទសំភាសន៍នេះដែរ លោកមិនអាចលាក់ការខកចិត្ត បាននោះទេ ។
ជាមួយនឹង ពាក្យប៉ុន្មានម៉ាត់ខាងលើ ជាក់ណាស់ Sir Alex នឹងត្រូវរំពឹងថា ថា អាចនឹង វិលមកកាច់ចង្កូត ឲ្យបិសាចក្រហមវិញ បើទោះបីជា គាត់បានអះអាងថា មិនអាចទៅរួចក៏ដោយនោះ៕
មតិយោបល់