ទីក្រុងលីសបន៖ខ្សែបម្រើ Gareth Bale បានធានាសុវត្ថិភាព របស់ក្លិប Real Madrid នាវគ្គចុងក្រោយក្នុងក្របខណ្ឌ UEFA Champions League នៅម៉ោងបន្ថែមដោយអាចលុតក្លិប Atletico Madrid ៤ – ១ ដែលធ្វើឡើងនៅ លីសបន ។
កីឡាករ Gareth Bale បានចុះហត្ថលេខា ជាមួយនឹង Real Madrid ដោយបំបែកតម្លៃខ្លួនកីឡាករលើពិភពលោក ក្នុងតម្លៃ ៨៥ លានផោន ពីមាន់ខ្នាយមាសកាលពីរដូវកាលមុន ។
វាជារឿងអាក្រក់បំផុត សម្រាប់ Atletico Madrid ដែលអាចឲ្យ កីឡាករ របស់ Real Madrid លោក Sergio Ramos តែតបំប៉ោងសំណាញ់បាន នៅនាទី ៩០ + ៣ ខណៈដែខ្លួនរកគ្រាប់បាល់នាំមុខនៅនាទី ៣៦ ដោយកីឡាករ Godin តែតបំប៉ោងសំណាញ់ដូចគ្នាដែរ ។
លទ្ធផលស្មើ មួយនេះ បានអូសបន្លាយ ឲ្យក្លិបទាំងពីរ ថែមម៉ោង ដោយនាទី ១១០ កីឡាករ Bale អាចមានឱកាស តែតបំប៉ោងសំណាញ់ ខណៈដែលបាល់ផ្លាតពីអ្នកចាំទីដោយចេញពីការស៊ុតរបស់ Di Maria ពាក់ស្លាកលេខ ២២ នាទី ១១៨ កីឡាករ Marcelo និងនាទី ១២០ + ១ កីឡាករ Ronaldo ដោយការស៊ុតប៉េណ័លទី ។
ភាពជោគជ័យ របស់ Real Madrid ក៏ដូចជាក្តីសុបិន្តរបស់ Ronaldo ដែលចង់លើកពាន Champion League នៅរដូវកាលនេះបានជោគជ័យ ហើយក៏ជាឱកាសដែល គ្រូបង្វឹក Carlo Ancelotti មាន ឱកាសនៅក្លិបមួយនេះ ជាបន្តទៀត ។ ពាន Champion League នេះគឺជាពានទី ២ របស់ Real Madrid នៅរដូវកាលនេះ បន្ទាប់ពីឈ្នះពាន Copa del Rey ខណៈពាន La Liga មិនអាចធ្វើទៅរួចនោះ ៕
ទស្សនាវិដេអូឃ្លិបដូចខាងក្រោមនេះ៖
មតិយោបល់