ខ្សែបម្រើសញ្ជាតិព័រទុហ្គាល Tiago Mendes បានចុះហត្ថលេខាសារជាថ្មី ជាមួយនឹងក្លិប Atletico Madrid រយៈពេល ២ ឆ្នាំទៀត ដោយបញ្ចប់ការរំពឹងទុក វិលត្រឡប់មកកាន់តោខៀវ ។
កីឡាករវ័យ ៣៣ ឆ្នាំ គឺជាអ្នកលេងរបស់ក្រុមតោខៀវ ក្រោមការដឹកនាំ គ្រូបង្វឹករួមជាតិ Jose Mourinho ក្នុងឆ្នាំ ២០០៤ – ២០០៥ និងមានព័ត៌មានជាច្រើនចុះកាលពីខែ មិថុនា កន្លងទៅថា គាត់បានរៀបចំខ្លួន វិលមកកាន់ Stamford Bridge ។ក៏ប៉ុន្តែជំនួសឲ្យការត្រឡប់មកវិញ នោះ Tiago Mendes បានប្តេជ្ញាចិត្ត បន្តលេងឲ្យ Atletico Madrid ។
ថ្លែងប្រាប់ដល់គេហទំព័រក្លិប Tiago Mendes បានឲ្យដឹងថា ” ក្លិបបានផ្តល់កិច្ចសន្យាថ្មីរបស់ខ្លួន។ ខ្ញុំពិតជាមានមោទនៈភាពខ្លាំងណាស់ ដោយយើងមានរដូវកាលមួយដ៏មិនគួរឲ្យជឿ ហើយក៏ជាពេលបញ្ចប់ដែលត្រូវវិលទៅរកតោខៀវវិញ” ។ ដោយសារតែការផ្តល់ឱកាសបន្តកុងត្រា ដូច្នេះ ក្លិបដែលខ្លួនត្រូវសម្រេចចិត្តគឺនៅទីនេះ។
កីឡាករ Tiago Mendes បានបន្ថែមទៀតថា Simeone តែងតែបើកទ្វារចំហរសម្រាប់ខ្ញុំ និង ពេលនេះ គឺសប្បាយរីករាយណាស់ ដែលទទួលបានការសម្រេចចិត្តមួយដ៏ត្រឹមត្រូវ៕
មតិយោបល់