ភ្នំពេញ៖ក្រោយគេហទំព័រ ដំណឹង បានចុះផ្សាយថា “តារាសម្តែង សុខ សោម៉ាវត្តី រិះគន់ក្រុមហ៊ុនទូរស័ព្ទស្មាត” ស្រាប់តែ ម្តាយរបស់ កញ្ញា សុខ សោម៉ាវត្តី ផ្ទុះកំហឹង យ៉ាងខ្លាំង ទៅលើទំព័រ ដែលប្រើប្រាស់ ឈ្មោះ កូនរបស់ខ្លួន ថែមទាំងដាក់រូបរាល់សកម្មរបស់នាង ធ្វើការរិះគន់ទៅលើ ក្រុមហ៊ុនទូរស័ព្ទស្មាត ថា “ចង់និយាយ រឿងពិត មួយ ឥឡូវនេះ ក្រុមហ៊ុន Smart កាត់លុយ អស់ស្ទុះ Change លុយ លេង internet មិនទាន់ដឹងអីផង កាត់លុយអស់
បើមិត្ត មានបញ្ហា ដូចខ្ញុំ ជួយ Share & Comment thank you…….. “ ។ ជាមួយនឹងពាក្យរិះគន់នេះ អ្នកលេងបណ្តាញសង្គម ជាច្រើន បានធ្វើការរិះគន់បន្ទរ យ៉ាងព្រោងព្រាត ខណៈដែលទំព័រនេះ មានអ្នកចុច Like រហូតដល់ទៅ ១ សែននាក់ ។
ឆ្លើយឆ្លងជាមួយនឹងដំណឹង តាមរយៈទូរស័ព្ទ ដៃ នៅប៉ុន្មាននាទី មុននេះ ម្តាយរបស់ សុខ សោម៉ាវត្តី បានប្រតិកម្មយ៉ាងខ្លាំង ទៅលើទំព័រ ដែលដាក់ឈ្មោះ Sok Somavutey ថែមទាំងមានរាល់សកម្មភាពរូភាព កូនរបស់ខ្លួន ឲ្យដឹងថា ” ទំព័រនោះមិនពិតទេ អូន ជាទំព័រក្លែងក្លាយ កូនស្រីរបស់ខ្លួន អត់បង្កើតទំព័រ Like ទេ ហើយឈ្មោះ ទំព័រនោះដាក់ឈ្មោះ Sok Somavutey ដែលមើលទៅស្រដៀងគ្នា តែខុសត្រង់ថា កូនរបស់ អ៊ុំ សរសេរ Somavotey ឯគេបន្លំនោះសរសេរ Somavutey ពោលគឺខុស អក្សេរ O និង U តែប៉ុណ្ណោះ ។ គាត់បានបន្តទៀតថា នេះជាចេតនា បង្កាច់បង្ខូច ដល់កេរ្តិ៍ឈ្មោះកូនស្រីខ្លួន បើសិនជាទំព័រនេះ នៅតែបន្តយ៉ាងគឃ្លើនយ៉ាងនេះទៀត គាត់នឹងចាត់វិធានការតាមច្បាប់វែកមុខជន ខិលខូច រូបនោះ តែម្តង” ។
ម្តាយ សុខ សោម៉ាវត្តី បានបញ្ជាក់ថា “វាមិនមែនជាលើកទី ១ នោះទេ ទំព័រខាងលើ នោះបានសរសេរ តែផ្តេសតែផ្តាស់ ម្តងរួចរាល់ហើយ ដែលធ្វើឲ្យអ្នកសារព័ត៌មានយល់ច្រឡំថា នាងកំពុងមានបញ្ហា ជាមួយនឹងប្តីរបស់ខ្លួន តែធាតុពិត កូនស្រី និង កូនប្រសាររបស់ខ្ញុំ ស្រលាញ់គ្នា យ៉ាងល្អូកល្អើន ជាទីបំផុត ហើយរឿងរិះគន់លើក្រុមហ៊ុនទូរស័ព្ទស្មាន គ្មានទេ “ ៕
មតិយោបល់