ឲ្យតែដល់ថ្ងៃទី១១ខែកញ្ញា ប្រជាពលរដ្ឋអាមេរិកគ្រប់រូបតែងតែចាំមិនភ្លេច ព្រោះវាជាថ្ងៃសោកនាដកម្មដ៏រន្ធត់មួយដែលបានសម្លាប់មនុស្សជាង ២.៩៩៦នាក់ និងរងរបួសជាង ៦.០០០នាក់។
កាលពីវេលាម៉ោង ៨និង៤៦នាទីព្រឹក នាថ្ងៃទី១១ខែកញ្ញា ឆ្នាំ ២០០១ ក្រុមភារវកម្មអាល់កៃដា បានបញ្ជាទៅលើអ្នកបើកបរយន្តហោះ American Airlines Flight 11 និង United Airlines Flight 175 ឲ្យទៅបុកអគារពាណិជ្ជកម្មពិភពលោក ដែលមានទីតាំងនៅក្នុងទីក្រុងញ៉ូវយ៉ក។
ត្រឹមរយៈពេលពីរម៉ោងប៉ុណ្ណោះអគារដ៏ធំទាំងពីរត្រូវបានដួលរលំខ្ទេចម៉ដ្ឋដូចផេះ ហើយរចនាសម្ព័ន្ធដែលជិតនោះក៏រង់ផលប៉ះពាល់យ៉ាងច្រើនសន្ធឹក។
ក្រុមភារវកបានបញ្ជាទៅលើយន្តហោះទី៣ដែលមានឈ្មោះថា American Airlines Flight 77 សំដៅទៅកាន់ទីស្ដីការក្រសួងការពារជាតិអាមេរិក (Pentagon) និងយន្តហោះទី៤បានឆ្ពោះទៅកាន់សេតវិមានវ៉ាន់ស៊ីនតោន ប៉ុន្តែយន្តនោះមិនបានទៅដល់ទេ ព្រោះធ្លាក់អ្នកដំណើរ និងអ្នកបើកយន្តហោះបានតតាំងនឹងពួកភារវកទើបធ្វើឲ្យយន្តហោះធ្លាក់ចុះ។
ក្រោយពីការវាយប្រហារចប់ របាយការណ៍បានបញ្ជាក់ថា មានមនុស្សជិត ៣.០០០នាក់បានស្លាប់ និងរងរបួសជាង ៦.០០០នាក់។ សម្រាប់ការសម្អាតទីធ្លានៃអគារពាណិជ្ជកម្មនេះ រដ្ឋាភិបាលអាមេរិកបានប្រើរយៈពេលជាង១ឆ្នាំ ទើបសម្អាតរួច ហើយការកសាងអគារនេះឡើងវិញត្រូវបានបញ្ជប់ជាស្ថាពរនៅឆ្នាំ២០១៣។
ព្រឹត្តិការណ៍នេះ ត្រូវបានសហរដ្ឋអាមេរិកចាត់ទុកជាព្រឹត្តិការណ៍ប្រវត្តិសាស្ត្រមួយដែលមិនអាចភ្លេចបាន ហើយប្រជាពលរដ្ឋអាមេរិកចង់ចាំនូវថ្ងៃទី១១ខែកញ្ញានេះក្នុងចិត្តគ្រប់គ្នា។
ការវាយប្រហារនេះមិនត្រឹមតែបានសម្លាប់មនុស្សអស់ជាច្រើននាក់ប៉ុណ្ណោះទេ ថែមទាំងបានធ្វើឲ្យសេដ្ឋកិច្ចពិភពលោកធ្លាក់ចុះអស់រយៈពេលជាច្រើនឆ្នាំ៕
មតិយោបល់