ភ្នំពេញ ៖ វេលាម៉ោង ៥ និង ៣០ នាទី នៅស្តុបបូកគោ មានបញ្ហាស្ទះចរាចរណ៍ណែនណាន់តាន់តាប់ ដោយសារតែបង្គួយយក្សបង្ហាញខ្លួន ។
សាក្សីដែលឃើញព្រឹត្តិការណ៍ស្ទះចរាចរណ៍នេះ បានបញ្ជាក់ថា បញ្ហាស្ទះចរាចរណ៍នៅក្បែរស្តុបបូកគោនេះ មកពី មានសត្វបង្កួយយក្ស ឬគេហៅម្យ៉ាងទៀតថា សត្វបង្គួយចិន ទម្ងន់ ប្រហែល ពី ៨ ខាំ ទៅ ១ គីឡូក្រាមពណ៌ទឹក្រូច លាយខ្មៅ ទុំនៅលើខ្សែភ្លើង ក្បែរផ្ទះ ឯកឧត្តម ហ៊ុន តូ ធ្វើឲ្យអ្នកដំណើរចុះថតយ៉ាងព្រោងព្រាត ថតបង្ហោះទៅកាន់បណ្តាញសង្គមហ្វេសប៊ុក។
ប្រភពខាងលើបានបន្តថា លោកក៏មិនដឹងថា សត្វបង្កួយយក្ស ឬបង្កួយចិននេះចេញពីណាមកដែរ តែអាចមានអ្នកចិញ្ចឹមវានៅក្បែរនេះ ហើយក៏រួច មកទុំលើខ្សែភ្លើង ក្បែរ ផ្ទះ ឯកឧត្តម ហ៊ុន តូ តែទោះជាយ៉ាងណា ៣០នាទីក្រោយមក ក៏មានអ្នកមកចាប់វាទៅរក្សាទុក ដើម្បីបញ្ចៀសការកក់ស្ទះចរាចរណ៍៕
មតិយោបល់