សៀមរាប៖ រថយន្ត២គ្រឿងព្រលះគ្នាយ៉ាងពេញទំហឹង នៅលើកំណាត់ផ្លូវជាតិលេខ៦ ត្រង់ចំនុចភូមិរលំ ស្រុកប្រាសាទ បាគង ខេត្តសៀមរាប កាលពីវេលាម៉ោង ៤.២០នាទីទាបភ្លឺ ថ្ងៃទី ២៧ ខែ តុលា ឆ្នាំ ២០១៤ បណ្តាលឲ្យរថយន្តដឹកផ្លែឈើ រងការខូចខាតខ្ទេចផ្នែកខាងមុខ ចំណែកឯកផ្លែរឈើ ធ្លាក់រាយប៉ាយពេញតាមដងផ្លូវ ។
ក្រោយពីកើតហេតុភ្លាម គេសង្កេតឃើញលោក អនុសេនីយ៍ឯក ប៉ោះ ចន្ថា អធិការរងស្រុកបាគង បានដឹកនាំកម្លាំង ចុះជួយអន្តរាគមន៍កន្លែងកើតហេតុភ្លាមៗ ព្រមទាំងបានហៅរថយន្តសង្គោះបន្ទាន់មកជួយសង្គ្រោះតៃកុងឡាន ដឹកផ្លែឈើដែលគៀបជាក្នុងកាបីនឡាន លុះសមត្ថកិច្ចនិង និងខាងមន្ទីរពេទ្យនាំគ្នាគាស់អស់រយះពេល ជាងកន្លះម៉ោងទើប យកជនរងគ្រោះចេញពីក្នុងឡាន ហើយបានដឹកទៅសង្គោះនៅមន្ទីរពេទ្យ ឯកជនក្នុងខេត្តសៀមរាប ។
តាមការឲ្យដឹងពីលោក អនុសេនីយ៍ឯក ប៉ោះ ចន្ថា អធិការរងស្រុកបាគង ទទួលបន្ទុកផែនសណ្តាប់ធ្នាប់ចរាចណ៍ ផ្លូវគោក បានឲ្យដឹងថា ករណីបណ្តាលឲ្យមានហេតុ ការណ៍គ្រោះថ្នាក់ចរាចរណ៍នេះ គឺបណ្តាលមកពីតៃកុងឡាន ដឹកផ្លែឈើចេញពីខេត្តកំពង់ចាម យកមកដាក់ឲ្យម៉ូយ នៅខេត្តសៀមរាប លុះមកដល់ចំនុចកើតហេតុ តៃកុងឡានដឹកផ្លែឈើ ងងុយដេកហើយងក ស្របពេលដែល រថយន្ត ដឹកទឹកកក ក្នុងទិសដៅបញ្ច្រាស់គ្នា ក៏បុកគ្នាពេញទំហឹងតែម្តង តៃកុងឡានដឹកផ្លែឈើ ផេង សំអាត អាយុ ២៧ឆ្នាំ បើកបររថយន្តនីសាន់ ពាក់ស្លាកលេខ សៀមរាប 2B- 1170 រស់នៅភូមិឈូក ឃុំប្រឡាយ ស្រុកស្ទោង ខេត្តកំពង់ធំ
តៃកុងឡានដឹកទឹកកក ឈ្មោះ កែវ វិន អាយុ ២៥ បើកបររថយន្តកូរ៉េ អត់ស្លាកលេខ រស់ភូមិកំព្រះ ឃុំ ប្រឡាយ ស្រុកស្ទោង ខេត្តកំពង់ធំ ក្រោយពីកើតហេតុ តៃកុងឡានដឹកទឹកកក ឃើញសភាពការណ៍មិនស្រួល ក៏ដាក់មេប្រូចតាមទំលាប់ បន្សល់រថយន្តធ្លាក់ស្នាមភ្លោះ ទឹកកកពាសពេញថ្នល់ សូមបញ្ជាក់ផងដែរថា នៅក្នុងហេតុការគ្រោះថ្នាក់ចរាចរណ៍នេះ ពុំបណ្តាលឲ្យនណាម្នាក់ស្លាប់ បាត់បង់ជីវិតនោះទេ ។
មហាជនទូទៅបានលាន់មាត់គ្រប់គ្នា ដែលភាគីទាំងសងខាងអាចជៀសផុតពីគ្រោះថ្នាក់ ដល់បាត់បង់ជីវិត ដោយសារ តែសភាពរថយន្តទាំងពីខូចខ្ទេច ក្នុងនោះដែរក៏បានសំណូមពរ ដល់សមត្ថកិច្ច ចរាចរណ៍ ដែលនៅតាមដងផ្លូវ មេត្តា រឹតបន្តឹងច្បាប់ចរាចរណ៍ផ្លូវគោកបន្ថែម ដោយសារតែរថយន្ត ដឹកផ្លែឈើ និងរថយន្តដឹកទំនិញ មានការដឹកលើសចំណុះ សំពីសំពោង គួរអោយព្រួយបារម្ភណ៍ ដល់អាយុជីវិត ប្រជាពលរដ្ឋដែលរួមដំណើរ តាមដងផ្លូវសាធារណៈ៕
មតិយោបល់