ក្លិបហង្សក្រហម ​ មាន់ខ្នាយមាស និង Inter Milan កំពុងតែត្របាញ់ជើងគ្នា ​ទិញយកកីឡាករ សញ្ជាតិអាហ្សង់ទីន ពី PSG ចំពេល​កីឡាកររូបនេះបន្តកុងត្រាថ្មី ជាមួយនឹងម្ចាស់ជើង ឯកបារាំង​ ។​
លោក Laurent Blanc អ្នកចាត់ការទូទៅក្លិប បាននិយាយថា យើងបានត្រៀមខ្លួនរួចរាល់ហើយ​ ដើម្បីស្តាប់ ការផ្តល់ ជូនជាពិសេស ក្នុងទីផ្សារផ្ទេរខាងមុខនេះ ក្នុងគោលបំណង​​ដើម្បីទទួលបានកម្រៃសមរម្យ ​សម្រាប់កីឡាករវ័យ ២៩ ឆ្នាំរូបនេះ​ មុនពេលដែលកិច្ចសន្យា​របស់គាត់ ផុតកំណត់​។​
បើទោះបីជា របាយការណ៍មុន បានបញ្ជាក់ថា តម្លៃស្ថិតនៅជុំវិញ ១៦ លានផោន ដែលសមល្មម​ក្លិបនឹងត្រូវលក់ ។​នេះបើយោងតាម Daily Express ។​
ទន្ទឹមជាមួយនឹងគ្នានេះដែរ ប្រភពខាងលើបាន​បន្តថា ក្លិប ហង្សក្រហមនឹងនាំ កីឡាករ Ezequiel Lavezzi ​មកកាន់អង់គ្លេស​ក្នុងតម្លៃ ៨ លានផោន ៕​