ពោធិ៍សាត់ ៖ បុរសម្នាក់ត្រូវបានដីជីកអណ្ដូងបាក់ស្រុតសង្កត់លើជាប់ផុងស្លាប់យ៉ាងរន្ធត់ភ្លាមៗ ក្នុងចំណោមកម្មករដូចគ្នាដែលកំពុងធ្វើការជីកអណ្ដូងចំនួន៣នាក់។សេចក្ដីរាយការណ៍បានឲ្យដឹងថាជនរងគ្រោះជាអ្នកផ្លាស់ទីលំនៅពីស្រុកកំណើតដែលនៅឯស្រុកកៀនស្វាយ ខេត្តកណ្ដាល មកស្នាក់នៅភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់ មានភរិយាថ្មីថ្មោងជិតមួយឆ្នាំ ប្រកបរបរជាកម្មករស៊ីឈ្នួលដាក់អណ្តូងប្រភពបន្តថា នៅពេលជីកអណ្ដូងនោះធ្វើខុសបច្ចេកទេសក៏ភ្លាត់កងលូអណ្ដូងសង្កត់ពីលើស្រុតទៅក្រោមកប់នឹងរបាយខ្សាច់កំពុងចេញទឹកទៀតនោះបណ្ដាលឱ្យថប់ដង្ហើមស្លាប់យ៉ាងអាណោចអាធ័មជាទីបំផុត។ ហេតុការណ៍នេះ បានកើតឡើងកាលពីវេលាម៉ោង៤រសៀល ថ្ងៃទី២២ ខែមេសា ឆ្នាំ២០១៥ ក្នុងដីឡូត៍ថៅកែឡានដឹកដីមួយកន្លែងឈ្មោះ ហ៊ី រ៉ាវុធ ដែលរស់នៅភូមិកំពង់ថ្គោល ឃុំក្បាលត្រាច ស្រុកក្រគរ ខេត្តពោធិ៍សាត់។បើតាមលោក ខៀវ សុខា នាយប៉ុស្ត៍រដ្ឋបាលឃុំក្បាលត្រាចដែលបានចុះទៅពិនិត្យនៅកន្លែងកើតហែតុនោះបានឲ្យដឹងថា ជនរងគ្រោះឈ្មោះ គង់ ពិសិទ្ធិ ភេទប្រុសអាយុ ៤៧ឆ្នាំ ស្រុកកំណើតមានប្រពន្ធកូននៅឯស្រុកកៀនស្វាយ ខេត្តកណ្ដាល ដោយបានប្ដូរទីលំនៅស្នាក់អាស្រ័យជាកម្មករធ្វើអណ្ដូងមានប្រពន្ធថ្មីមួយទៀតនៅភួមិឃុំកើតហេតុខាងលើលោកខៀវសុខាបានឲ្យដឹងទៀតថាបើតាមសាក្សីបានដឹងហេតុការណ៍នេះដែលជាកម្មករដូចគ្នានិយាយថាដំបូងជនរងគ្រោះជាមួយកម្មករពីរនាក់ទៀតបាននាំគ្នាចុះដាក់លូអណ្ដូងទឹកនៅទីតាំងខាងលើដោយខាងជនរងគ្រោះបានធ្វើម្នាក់ឯងចោះដាក់កងលូផ្នែកខាងត្បូងឯពីនាក់ទៀតនៅខាងជើងក្បែរដៃប្រមោយអាអ៊ិចចូកដីដែលដាក់ដោយមិនបញ្ឆេះម៉ាស៊ីនសម្រាប់ដាក់សម្ភារះស្រាប់តែជនរងគ្រោះធ្វើខុសបច្ចែកទេសក៍ភ្លាត់កងលូធ្លាក់ចុះទៅក្រោម បាក់ដីស្រុតស្រូបជាប់បុរសនោះបណ្ដាលឲ្យថប់ដង្ហើមស្លាប់ភ្លាមៗមួយរំពេច រហូតប្រើពេលជិតមួយម៉ោងទើបយកសពស្ទូចចេញពីអណ្ដូងនោះបាន ដោយឡែកកម្មករពីអ្នកទៀតនោះគេចផុតស្ទុះឡើងលើរូច។លោក អែម រុន អធិកានគរបាលស្រុកក្រគរបានឲ្យដឹងថាក្រោយកើតហេតុភ្លាមកំលាំងនគរបាលជំនាញបានដល់កន្លែងកើតហេតុដើម្បីឃាត់វត្ថុតាងទាំងនោះទុកបណ្ដោះអាសន្នតាមបញ្ជារលោកព្រះរាជអាជ្ញាសាលាដំបូងខេត្ត ដើម្បីស្រាវជ្រាវបន្ថែម ។ដោយសពជនរងគ្រោះនេះ ត្រូវបានខាងប្រពន្ធដើមរបស់គេមកពីខាងស្រុកកំណើត យកសពដឹកតាមរថយន្តទៅធ្វើបុណ្យតាមប្រពៃណីខ្មែរ ដោយសេវ៉ាដឹកសពនេះខាងម្ចាស់ដីឡូជួយចេញសោហ៊ុយឲ្យដល់គ្រួសាសពជនរងគ្រោះ ហើយនិងបន្តជួយឧបត្ថមសេវ៉ាផ្សេងៗទៀត ប្រសិនជាខាងភាគគីគ្រួសាជនរងគ្រោះដាក់សំណើរតាមបណ្ដឹងនៃផ្លូវច្បាប់៕
ព័ត៌មានជាតិ
មតិយោបល់