រុស្ស៊ី៖ ប្រធានាធិបតីរុស្ស៊ី លោក President Vladimir Putin បានចុះហត្ថលេខាលើច្បាប់ថ្មីមួយ សម្រាប់ដាក់ទោសទណ្ឌដល់ក្រុមអង្គការមិនមែនរដ្ឋាភិបាល (NGO) ដោយច្បាប់ថ្មីនេះត្រូវបានគេមើលឃើញថា រុស្ស៊ីកំពុងគំរាមកំហែងដល់សិទ្ធិសេរីភាពមូលដ្ឋាន។ យោងតាមការចុះផ្សាយរបស់ CNN បានឲ្យដឹងថា ក្រុមអង្គការ NGO មានការភ្ញាក់ផ្អើលយ៉ាងខ្លាំង នៅពេលដែលទទួលបានព័ត៌មាននេះ ព្រោះថារុស្ស៊ី បានកំណត់នៅក្នុងច្បាប់ថ្មី អាចដាក់ទោសអ្នកបម្រើការងារនៅក្នុងអង្គការ NGO ទាំងអស់ឲ្យចាប់គុក ៦ឆ្នាំ បើសិនជាល្មើសទៅលើលក្ខខណ្ឌដែលបានចែងនៅក្នុងច្បាប់។ ការចេញច្បាប់ថ្មីនេះ ត្រូវបានអង្គការលើកលែងទោសអន្តរជាតិ និងសហរដ្ឋអាមេរិក មានការប្រតិកម្មយ៉ាងខ្លាំង ដោយបានបញ្ជាក់ថា រុស្ស៊ីកំពុងតែគំរាមកំហែងយ៉ាងខ្លាំងដល់សិទ្ធិសេរីភាពទាំងឡាយ ហើយបានចោទថា នោះគឺជាច្បាប់ដ៏ឃោឃៅបំផុត៕