ក្រុមការងារចាក់វ៉ាក់សាំងកូវីដ-១៩ យោធភូមិភាគពិសេស បានចាប់ផ្តើមដំណើរការចាក់ វ៉ាក់សាំងការពារជំងឺកូវីដ-១៩ ជំហានទី២ ដូសទី១ ជូនប្រជាពលរដ្ឋ កម្មករ កម្មការិនី និងជនបរទេស ដែលនៅសេសសល់ ចំនួន ៣សង្កាត់ រួមមានចាក់អង្រែក្រោម ,ចាក់អង្រែលើ នឹងសង្កាត់បឹងទំពន់២ ខណ្ឌមានជ័យ រាជធានីភ្នំពេញ។

ក្រោមការយកចិត្តទុកដាក់ដ៏ខ្ពង់ខ្ពស់ពីសំណាក់ ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជាការយោធភូមិភាគពិសេស ដែលតែងតែអញ្ជើញចុះត្រួតពិនិត្យក្រុមការងារចាក់វ៉ាក់សាំងជាប់ជាប្រចាំនៅតាមមណ្ឌលក្រុមការងារទទួលខុសត្រូវរបស់យោធភូមិភាគ។ ឯកឧត្តម មេបញ្ជាការយោធភូមិភាគពិសេស បានណែនាំដល់ ក្រុមការងារចាក់វ៉ាក់សាំងការពារជំងឺកូវីដ-១៩ ឱ្យយកចិត្តទុកដាក់ធ្វើការសហការឲ្យបាទល្អ ជាមួយអាជ្ញាធរមូលដ្ឋាន ធ្វើយ៉ាងណាបានល្អឲ្យដំណើរការ ចាក់វ៉ាក់សាំង ជូនប្រជាពលរដ្ឋប្រព្រឹត្តទៅរលូនតាមផែនការ និងមានសណ្ដាប់ធ្នាប់របៀបរៀបរយតាមបែបបទវិធានសុខាភិបាល ធានាសុវត្ថិភាពមិនឲ្យមានការឆ្លងមេរោគកូវីដ-១៩ នៅទីតាំងចាក់វ៉ាក់សាំង ដល់ក្រុមការងារ និងប្រជាពលរដ្ឋ ដែលបានមកទទួលវ៉ាក់សាំង។

សូមជម្រាបជូន សរុបលទ្ធផលជាជំហានទី១ដូសទី១ ចាប់ពីថ្ងៃទី០១ ខែឧសភា ឆ្នាំ២០២១ ដល់ ថ្ងៃទី១៥ ខែឧសភា ឆ្នាំ ២០២១ បានចំនួន ៦៣.២៤៩នាក់។ លទ្ធផលចាក់ ជំហានទី១ ដូសទី២ ចាប់ពីថ្ងៃទី១៦ ខែឧសភា ឆ្នាំ ២០២១ ដល់ ថ្ងៃទី២៩ ខែឧសភា ឆ្នាំ ២០២១ វេលាម៉ោង ៥:៣០នាទីល្ងាច បានចំនួន៥៧.១៦៣ នាក់៕