កំពង់ឆ្នាំង ៖ នៅព្រឹកថ្ងៃពុធ ទី២៣ ខែមិថុនា ឆ្នាំ២០២១ លោកឧត្តមសេនីយ៍ត្រី អៀរ ប៊ុនធឿន ស្នងការរង លោកឧត្តមសេនីយ៍ត្រី កែ ប៊ុនរិទ្ធ ស្នងការរង លោកឧត្តមសេនីយ៍ត្រី ប៉ុល វុទ្ធី ស្នងការរង ជាតំណាងលោកឧត្ដមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បាននាំយកថវិកាចំនួន២លានរៀល រួមទាំងទឹកដោះគោ ស្ករសរ ទឹកសេរ៉ូ និងទឹកក្រូច ទៅប្រគល់ជូនដល់កុមារីរងគ្រោះ ដោយសារឪពុកបង្កើតចាប់រំលោភ កាលពីថ្ងៃទី១៥ ខែមិថុនា ឆ្នាំ២០២១ ឈ្មោះ ស.ចន ដែលកំពុងសំរាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង ។
ជាមួយគ្នានេះ លោកឧត្តមសេនីយ៍ទោស្នងការនគរបាលខេត្តក៏បានឧបត្ថម្ភនូវទឹកក្រូច ចំនួន១០កេស ជូនដល់ក្រុមគ្រូពេទ្យនៅក្នុងអគារសម្ភព ដែលបានយកចិត្តទុកដាក់ក្នុងការព្យាបាលកុមារីរងគ្រោះរហូតបានជាសះស្បើយ ។ ថវិកា សម្ភារ: ដែលបានយកមកឧបត្ថម្ភ ដល់កុមារីរងគ្រោះ និងក្រុមគ្រូពេទ្យ ជារបស់ លោកឧត្តមសេនីយ៍ទោស្នងការផ្ទាល់ ។
ក្នុងឱកាសនោះ លោកវិជ្ជបណ្ឌិត ទុំ សម្បត្តិ ប្រធានមន្ទីរពេទ្យបង្អែកខេត្តកំពង់ឆ្នាំង ក៏បានថ្លែងអំណរគុណដល់ លោកឧត្តមសេនីយ៍ទោ ស្នងការ ស្នងការរង ដែលបាននាំយកអំណោយជាភេសជ្ជ: ជូនដល់ក្រុមគ្រូពេទ្យនាពេលនេះ ៕
ប្រភព៖ អគ្គស្នងការដ្ឋាននគរបាលជាតិ
មតិយោបល់