បរទេស៖ កីឡាករ Bailey សញ្ជាតិ Jamaica នៅសប្តាហ៍នេះត្រូវបានគេជឿជាក់ថានឹងអាចធ្វើដំណើរមកដល់ទីក្រុង Birmingham ហើយដើម្បីអាចចូលរួមជាមួយនឹងក្លឹប Aston Villa ជាផ្លូវការក្រោយកិច្ចព្រមព្រៀងគ្នារវាងតម្លៃខ្លួនត្រូវបានយល់ព្រម។

Bailey ស៊ុតបាន៣៩គ្រាប់ក្នុងការបង្ហាញខ្លួនទាំង១៥៦ដងនៅលីគកំពូលអាល្លឺម៉ង់ហើយបានជាប់ឈ្មោះជាកីឡាករឆ្នើមម្នាក់របស់លីគនិងកំពុងត្រូវបានទាក់ទាញចំណាប់អារម្មណ៍ដោយក្លឹបធំៗជាច្រើននៅអ៊ឺរ៉ុបប៉ុន្តែហាក់ដូចជាមានតែ Aston Villa ប៉ុណ្ណោះដែលកំពុងនាំមុខគេ។

The Goal ជឿជាក់ថាទាំងក្លឹប Aston Villa និងក្លឹប Bayer Leverkusen គឺបានយល់ព្រមគ្នាហើយក្នុងការផ្ទេរកីឡាករ Leon Bailey រូបនេះចេញពីអាល្លឺម៉ង់ក្នុងតម្លៃខ្លួនប្រមាណជា៣០លានផោនបន្ទាប់ពីកីឡាករ២៣ឆ្នាំរូបនេះបានចំណាយពេលប្រមាណជា៤ឆ្នាំកន្លះមកហើយនៅទីនេះ៕