(តូក្យូ)៖ ជប៉ុន នៅថ្ងៃអង្គារសប្ដាហ៍នេះបានព្យួរកអ្នកទោស ៣នាក់ ដែលជាការប្រហារជីវិតអ្នកទោសជាលើកដំបូងបំផុតក្នុងរយៈពេល ២ឆ្នាំមកនេះ ដោយរដ្ឋាភិបាលបញ្ជាក់ពីភាពចាំបាច់ណាស់ ក្នុងការរក្សាការអនុវត្តទោសប្រហារជីវិត ប្រឈមមុខនឹងបទឧក្រិដ្ឋសាហាវឃោរឃៅនៅតែបន្តកើតមាន។
បើតាមក្រសួងយុត្តិធម៌ជប៉ុន អ្នកទោសជាបុរសទាំង៣នាក់ខាងលើ ដែលត្រូវបានប្រហារជីវិតដោយព្យួរក សុទ្ធតែបានប្រពឹត្តបទឧក្រិដ្ឋឃាតកម្មកាលពីឆ្នាំ២០០៣ និងឆ្នាំ២០០៤។
ជប៉ុនស្ថិតនៅក្នុងចំណោមប្រទេសអភិវឌ្ឍមួយចំនួនតូច ដែលនៅតែរក្សាការអនុវត្តទោសប្រហារជីវិត ហើយការគាំទ្រទោសប្រហារជីវិតនៅក្នុងចំណោម ប្រជាជនជប៉ុន នៅតែស្ថិតក្នុងអត្រាខ្ពស់ ទោះបីជាមានការរិះគន់ពីអន្តរជាតិ ជាពិសេសពីសំណាក់អង្គការសិទ្ធិមនុស្សក៏ដោយ។ នៅសល់អ្នកទោស ច្រើនជាង ១០០នាក់ កំពុងរង់ចាំការកាត់ទោសប្រហារជីវិត នៅក្នុងប្រទេសជប៉ុន៕
ប្រភព៖ AFP
![](https://i0.wp.com/domneng.news/wp-content/uploads/2021/12/japan-voert-eerste-executies-uit-sinds-2019-drie-gevangenen-opgehangen.jpg?resize=1000%2C563&ssl=1)
![](https://i0.wp.com/domneng.news/wp-content/uploads/2021/12/61c2454e85314c0011dbc482.jpg?resize=700%2C350&ssl=1)
![](https://i0.wp.com/domneng.news/wp-content/uploads/2021/12/photo-2021-12-22-10-55-42.jpg?resize=1000%2C662&ssl=1)
មតិយោបល់