-

ចុះឆែកឆេរ លំនៅឋានមួយកន្លែងក្របួចជនសង្ស័យ១១នាក់ ពាក់ព័ន្ធថ្នាំញៀន

(ភ្នំពេញ) ៖ ​​កាលពី​​វេលា​ម៉ោង​៩​និង​៣០​នាទី​ ថ្ងៃទី​០១​ ខែមេសា ឆ្នាំ ​២០១៦ ​កម្លាំង​កងរាជអាវុធហត្ថ​សង្កាត់​ស្ទឹងមានជ័យ ​ ​​​១០​នាក់​ ​សហ​ការណ៍​ជាមួយ​ការិយាល័យ​បទល្មើស​​ គ្រឿងញៀន ​ចុះ​ឆែកឆេរ​ ផ្ទះ​ជន​សង្ស័យ ចែកចាយ គ្រឿងញៀន ​នៅ​ចំណុច ក្រុម​១១ ​ភូមិ​ត្រពាំង​ឈូក​ សង្កាត់​ទឹកថ្លា ​ខណ្ឌ​សែន​សុខ​ រាជធានីភ្នំពេញ ​។ 

​អាវុធហត្ថ​ បាន​ឲ្យ​ដឹងថា ​ដោយ​មាន​​អនុញ្ញាត​ពី​លោក ​គង់​ សំ​សារ៉េត​ ព្រះរាជ​អាជ្ញារង​អម​សាលា​ដំបូង​រាជធានី​ភ្នំពេញ​ ដឹក​នាំ​ដោយ ​លោក​វរសេនីយ៍ទោ​​ ប៉ាន់ សុខភាព ​នាយការិយាល័យ​ប្រឆាំង​បទល្មើស ​គ្រឿងញៀន​ ​កម្លាំង​​ចុះ​ឆែកឆេរ​ ​លំនៅឋាន​មួយ​កន្លែង​ឈាន​ដល់​ការ​ឃាត់​ខ្លួន​ជន​សង្ស័យ​បាន​ចំនួន​១១​នាក់។ ១-​សុខ ច​ន្នី ភេទ​ប្រុស អាយុ​៣១​ឆ្នាំ មុខរបរ លក់ដូរ ស្នាក់នៅ​ខណ្ឌ​ចម្ការមន ។​ ២-​ ថាច់ មិន ភេទ​ប្រុស អាយុ​៣៨​ឆ្នាំ មុខរបរ​ កម្មករ ស្នាក់នៅ​ភូមិ​ថ្មី សង្កាត់​ស្ទឹងមានជ័យ​ ។ ៣-​យាន ភ្នំ​វិ​រះ​ កន ភេទ​ប្រុស អាយុ​២១​ឆ្នាំ មុខរបរ​និង​ទីលំនៅ​មិន​ពិតប្រាកដ​​ ។ ៤-​អ៊ុ វាសនា ភេទ​ប្រុស អាយុ​៣៨​ឆ្នាំ មុខរបរ​ មិន​ពិតប្រាកដ ​ស្នាក់នៅ​សង្កាត់​ទឹកថ្លា​ ។ ៥-​ហ៊ន​ ហន ភេទ​ប្រុស អាយុ​៣០​ឆ្នាំ មុខរបរ​ ធ្វើ​សំណង់ ស្នាក់នៅ ​ភូមិ​ដំណាក់​ធំ​២ ។ ៦-​ថោង សុភាព ភេទ​ប្រុស អាយុ​១៤​ឆ្នាំ មុខរបរ​ មិន​ពិតប្រាកដ ស្នាក់នៅ​សង្កាត់​ទឹកថ្លា​ ។ ៧-​ជូ ប៉ា​លី ភេទ​ប្រុស អាយុ​១៨​ឆ្នាំ មុខរបរ​ ជាងភ្លើង ស្នាក់នៅ​ភូមិ​ទ្រា​២ ។ ៨-​ប៉ា​ញ់ ប៉ុន ភេទ​ប្រុស អាយុ​១៦​ឆ្នាំ ​មុខរបរ មុខរបរ​និង​ទីលំនៅ​មិន​ពិតប្រាកដ​ ។ ៩-​ យិ​ង សិលា ភេទ​ប្រុស អាយុ​២១​ឆ្នាំ មុខរបរ​ ធ្វើ​សំណង់ ស្នាក់នៅ​កន្លែង​កើតហេតុ​ ។ ១០-​ គាន់ វាសនា ភេទ​ប្រុស អាយុ​២៦​ឆ្នាំ ​មុខរបរ​ សិស្ស​ស្នាក់នៅ​ខណ្ឌដង្កោ។ ​១១-​ជា ហ៊ីង​ ភេទ​ប្រុស អាយុ​២៨​ឆ្នាំ មុខរបរ​ រើស​អេតចាយ ស្នាក់នៅ​ភូមិ​ទ្រា​២។ ​ដកហូត​វត្ថុ តាង​រួមមាន​ ៖ ​១-​ក្រាម​ស​ថ្លា​០២​តូច ​និង​សម្ភារ:​មួយ​ចំនួន​។
សមត្ថកិច្ច​ បាន​ឲ្យ​ដឹងថា​ តាម​រយះ​ការ​ឆ្លើយ ​សារភាព​របស់​បក្ខពួក ឈ្មោះ​ អែល តារា ឃាត់ខ្លួន ភូមិ ដំណាក់​ធំ​២​ សង្កាត់​ស្ទឹងមានជ័យ ។ ប​ច្ចុប្ប​ន្ន​ ជនសង្ស័យ​ និង​វត្ថុ តាង​ត្រូវបាន​ បញ្ជូនទៅ ​ការិយាល័យ​ប្រឆាំង​បទល្មើស​គ្រឿង ​ញៀន​ដើម្បី​ធ្វើការ​ស្រាវជ្រាវ​បន្ត​៕

   
    
 

មតិយោបល់