ក្តៅៗ Diario Goal បានចុះផ្សាយនៅក្នុងគេហទំព័ររបស់គេថា ខ្សែបម្រើប្រយុទ្ធកូឡុំប៊ី James Rodriguez មានបំណងចង់លេងជាមួយ Ronaldo បន្តទៀត នៅរដូវកាលក្រោយនេះ។

ជាការពិតណាស់ James Rodriguez មានបំណងចង់ចាកចេញពីក្រុមយក្ស Real Madrid តាំងពីមុន Ronaldo ប្រកាសពីបំណងចង់ចាកចេញពីក្លិបមកម្លេះ។ នៅក្នុងពេលនេះ James ជឿជាក់ថា Ronaldo កំពុងតែជ្រើសរើសផ្លូវដ៍ប្រសើរមួយ​ ក្នុងការចាកចេញពីក្រុម Real Madrid បន្ថែមលើនេះ James បានបញ្ជាក់ថា នៅរដូវកាលក្រោយនេះ រូបគេអាចលេងជាមួយតារាដ៍ឆ្នើមរូបនេះដដែល ព្រោះថា រូបគេក៍មានបំណងចង់ទៅ​ Man Utd ហើយ Ronaldo ក៍ចង់ទៅទីនោះដូចគ្នា។ ដូច្នេះហើយ ក្លិបដែលពួកគេ នឹងត្រូវលេងជាមួយគ្នានៅរដូវកាលក្រោយនោះគឺ Manchester United។

យ៉ាងណាក៍ដោយ នេះគ្រាន់តែជាក្តីរំពឹងរបស់ James Rodriguez ប៉ុណ្ណោះ ខណះលទ្ធផល នៅមិនទាន់ដឹងច្បាស់នៅឡើយទេ ដោយរង់ចាំពេលវេលាជាអ្នកសម្រេចសិន។ ភាគរយនៃការផ្លាស់ James Rodriguez និង Cristiano Ronaldo ប្រហែលជាមានខ្ពស់ណាស់ ព្រោះថា តារាឆ្នើមទាំង២រូបនេះ កំពុងមិនសប្បាយចិត្តដូចគ្នា ដែលជាហេតុនាំឲ្យពួកគេត្រូវតែចាកចេញពីក្រុម Real Madrid។