ក្រុមបាល់ទាត់ជម្រើសជាតិវៀតណាមបានរងនូវការលំបាកនៅមុនការប្រកួតជម្រុះ AFC Asian Cup ឆ្នាំ 2019 នៅថ្ងៃអង្គារ៍ ទី ១០ ស្អែកនេះ ក្រោយពីកីឡាករឆ្នើម Doan Van Hau និង Ha Duc Chinh ត្រូវបានលុបចោលពីក្រុមដោយសាររបួសនិងជំងឺ។

គ្រូបង្វឹកបណ្តោះអាសន្ន Mai Duc Chung បានបញ្ជាក់ពីអវត្តមានរបស់កីឡាករ Doan Van Hau ដែលបានទទួលពានរង្វាន់កីឡាករវ័យក្មេងប្រចាំឆ្នាំ AFF Young ដោយសារជំងឺផ្តាសាយបន្ទាប់ពីវគ្គហ្វឹកហាត់នៅថ្ងៃទី ០៦ ខែតុលា។ កីឡាករវ័យក្មេងនេះ បានបង្ហាញខ្លួននៅក្នុងការប្រកួតលើកទី១ ជាមួយនឹងកម្ពុជាកាលពីខែមុនដែរ។

ម្យ៉ាងវិញទៀតវៀតណាមក៏ត្រូវប្រឈមនឹងកម្ពុជាដោយគ្មានខ្សែប្រយុទ្ធ​ Ha Duc Chinh ផងដែរ។ រូបគេបានរងរបួសក្នុងអំឡុងពេលប្រកួតពាក់កណ្តាលផ្តាច់ព្រ័ត្រពាន Vietnam National Cup រវាងក្រុម Da Nang និងក្រុម Binh Duong កាលពីថ្ងៃសុក្រ។

ក្រុមផ្កាយមាសបានមើលឃើញកីឡាករមួយចំនួនដែលត្រូវមកជំនួសនូវបញ្ជីអ្នករងរបួសមានដូចជា In Hoang, Van Toan និង Ngoc Thinh ដោយអ្នកទាំងបីអាចលេងបានទាំងស្រុងសម្រាប់ការប្រកួតទល់នឹងកម្ពុជា៕

Doan Van Hau Ha Duc Chinh