ក្រុមបីសាចក្រហម Manchester United កំពុងសម្លឹងឃើញខ្សែប្រយុទ្ធ២រូបបន្ថែមទៀត បន្ទាប់ពី Alexis Sanchez ដែលនឹងតាមទិញក្នុងខែនេះ មុនការបិទទីផ្សាររដូវរំហើយមកដល់។

បើតាមការចុះផ្សាយរបស់ Telegram បានឲ្យដឹងថា Man Utd កំពុងតែមមាញឹកយ៉ាងខ្លាំង ក្នុងការតាមប្រមាញ់ខ្សែ​ប្រយុទ្ធបន្ថែមទៀត។ ក្នុងនោះដែរ មិនត្រឹមតែ ប្រជែងទិញ Alexis Sanchez ជាមួយក្រុម Manchester City ឡើយ ក្រុមបីសាចក្រហម ចាប់អារម្មណ៍នាំយក ខ្សែប្រយុទ្ធ អង់គ្លេស Jamie Vardy របស់ក្រុម Leicester City និងអតីតខ្សែប្រយុទ្ធចាស់របស់ពួកគេ Javier Hernandez របស់ក្រុម West Ham United ។

ការចង់បានខ្សែប្រយុទ្ធច្រើនបែបនេះ ក្រុមបីសាចក្រហម Manchester United មានបំណងចង់យកមកជួយ Romelu Lukaku ដែលកំពុងតែលេងធ្លាក់ទម្រង់យ៉ាង​ខ្លាំង ក្នុងរយៈពេលចុងក្រោយនេះ។ ម្យ៉ាងវិញទៀតនោះ Man Utd ជឿជាក់ថា Sanchez, Verdy និង Hernandez អាចជាកម្លាំងប្រយុទ្ធដ៍សំខាន់ ដែលអាចជួយ​ក្រុមឲ្យទទួលបានជោគជ័យ នៅឆ្នាំថ្មីនេះ។

អ្វីដែលសំខាន់នោះ Man Utd នៅស្ទើតំបន់ប្រយុទ្ធបន្តិច ខណៈ Zlatan Ibrahimovic អាចនឹងចាកចេញ ដែលតម្រូវឲ្យបន្ថែមកម្លាំងប្រយុទ្ធឲ្យកាន់តែរឹងមាំ ជាពិសេសខ្សែប្រយុទ្ធជំនួយ និងខ្សែប្រយុទ្ធមុតស្រួចបន្ថែម។

Javier Hernandez Alexis Sanchez Jamie Vardy