ក្លិបបាល់ទាត់ ភ្នំពេញក្រោន បានណាត់ ក្រសួងការពារជាតិ មកធ្វើការប្រកួតមិត្តភាពកម្តៅសាច់ដុំ នាវេលាម៉ោង ៦ៈ០០ នាទីល្ងាចនេះ លើកីឡដ្ឋាន RSN ខណៈដែលអ្នកស្នេហាវិស័យកីឡាបាល់ទាត់ទាំងអស់អាចចូលរួមទស្សនាដោយសារី។

ដោយសារតែក្របខណ្ឌកំពូលកម្ពុជា បានធ្វើការសម្រាក ដូច្នេះទើបមានការប្រកួតមិត្តភាពនេះឡើង ដើម្បីរក្សាសមត្ថភាពកីឡាកររបស់ក្រុមនីមួយៗ នឹងបន្ថែមបទពិសោធដល់កីឡាករមួយចំនួនទៀត ក៏ដូចជាផ្តលឱកាសដល់កីឡាករវ័យក្មេងផងដែរ។

សូមរំលឹកថា ក្របខណ្ឌកំពូលកម្ពុជា រដូវកាល ២០១៨ នឹងត្រូវត្រលប់មកវិញ នាសប្តាហ៍ទី៤ របស់ខ្លួន នាខែមេសា ខាងមុខនេះ៕