សាលាក្រុងភ្នំពេញ បានចេញសេចក្តីណែនាំឲ្យ បងប្អូនប្រជាពលរដ្ឋ ដែលកំពុងប្រើប្រាស់យានយន្ត និងទោចក្រយានយន្តកែច្នៃខុសបទដ្ឋានបច្ចេក ពិសេសភ្ជាប់ស៊ីរ៉ែន ស៊ីផ្លេ និងបំពង់ស៊ីម៉ាំងកែច្នៃ បង្កជាសម្លេងរំខាន ត្រូវដោះចេញ ឬផ្លាស់ប្តូរមកជា ទ្រង់ទ្រាយដើមវិញ ដោយមានពេល ២សប្តាហ៍។

ចំពោះទីតាំងកែច្នៃ និងបំពាក់ឧបករណ៍ទាំងអស់នេះ ដល់យានយន្ត និងទោចក្រយានយន្តគ្រប់ប្រភេទ ត្រូវបញ្ឈប់សកម្មភាពជាបន្ទាន់។

ផុតកំណត់រយ:ពេល ២សប្តាហ៍នេះ រដ្ឋបាលរាជធានីភ្នំពេញ នឹងចាប់ផ្តើមចាត់វិធានការតាមផ្លូវច្បាប់។